އެމްއެންޔޫބީއެސް އިން އެމްޑަބްލިޔުއެސްސީ އެމްއެންޔޫއެސްޔޫ ފުޓްސަލް ފިއެސްޓާ 2019އަށް މިއަހަރު ކުރިމަތިލީ ކުޅަދާނަ މޮޅު ކުޅުންތެރިންގެ ޓީމަކާއެކުއެވެ.
3 އަހަރުގެ މަތިން އެމްއެންޔޫއެސްޔޫ ފުޓްސަލް ފިއެސްޓާގެ ޗެމްޕިއަންކަން އެމްއެންޔޫ ބިޒްނަސް ސްކޫލް އިން ނަގާފައިވާއިރު، މިއަހަރުވެސް އެތަށި އުފުލާލުމީ ބީއެސްއެސްއޭގެ އުންމީދެކެވެ. އެހެންކަމުން މިއަހަރުގެ ޓީމު އެކުލަވާލުމަށް ކުރިޔާލާ ބީއެސްއޭއިން ވަނީ ތައްޔާރުވެފައެވެ.
ބީއެސްއެސްއޭ ފުޓްސަލް ފިއެސްޓާ އަކީ ކޮންމެ އަހަރަކުވެސް ބިޒްނަސް ސްކޫލުގައި ތިބި މޮޅު ކުޅުންތެރިން ހޮވުމަށް ލިބޭ ރަނުގެ ފުރުޝަތެކެވެ. އެގޮތުން މިއަހަރުވެސް މި މުބާރާތް ބާއްވާ، އެންމެ މޮޅު ކުޅުމެއް ދެއްކި 12 ކުޅުންތެރިންގެ އިތުރުން އެންމެ ކުޅަދާނަ 2 ގޯލް ކީޕަރުވަނީ ދެ ޓީމަށްވެސް ނަގާފައެވެ.
އަންހެން އަދި ފިރިހެން ޓީމުވެސް ބީއެސްއެސްއޭ އިން އެކުލަވާލީ ބީއެސްއެސްއޭ ފުޓްސަލް ފިއެސްޓާގެ ކުޅުމަށް ބަލާފައެވެ. މިއަހަރުގެ އަންހެން ޓީމުގެ ކޯޗަކަށް ހަމަޖައްސާފައިވަނީ އެމްއެންޔޫބީއެސްގެ ދަރިވަރެއްކަމުގަވާ ހަސަން މޫސާއެވެ. އަދި ފިރިހެން ޓީމުގެ ކޯޗަކަށް އާމިރު އިބްރާހިމްއެވެ.
ލިޔުނީ : ފާތިމަތު ޒަހްރާ މީޑިއާ ކޯޑިނޭޓަރ،
ބީއެސްއެސްއޭ، އެމް.އެން.ޔޫ.އެސް.ޔޫ
