އެމް.ޑަބްލިއު.އެސް.ސީ.އެމް.އެން.ޔޫ.އެސް.ޔޫ ފުޓްސަލް ފިއެސްޓާގައި އެފް.އެޗް.ޓީ.އެސްގެ ފިރިހެން ޓީމު މިރޭ ކުލިކް ކޮލެޖާ ކުރިމަތި ލާއިރު ސަޕޯޓަރުން ވަރަށް މުހިންމުކަމަށް ޓީމުގެ ކެޕްޓަން މުހަންމަދު ޔަޝާރު ބުނެފިއެވެ.
ފާއިތުވެދިޔަ ދެމެޗުގަވެސް އެފް.އެޗް،ޓީ.އެސްގެ ސަޕޯޓަރުން ކިބައިން ފެނުނީ ހިންހަމަ ޖޭހޭމަންޒަރެއް ކަމަށާއި ބަލިވެފައި އޮންނަ ވަގުތުގައި ސަޕޯޓަރުންދިން ސަޕޯޓުން ޓީމަށް އިތުރު ހިއްވަރެއް ލިބުނުކަމަށް ޔަޝާރު ބުނިއެވެ. ކުރިޔަށް އޮތީ އުދަގޫ މެޗެއްކަމަކު މޮޅުވެވޭނެ ކަމުގެ އުންމީދު އޮތްކަމަށެވެ. ”ކުރިއަށް މިއޮތީ ހާޑް މެޗްއެއް. ސަޕޯޓް ވަރަށް މުހިންމު. ކުރިން ދެމެޗުގައި ދިންކަހަލަ ފޯރިގަދަ ސަޕޯޓެއް ބޭނުންވޭ. އެ މެޗުގެ ސަޕޯޓު ވަރަށް ސަޅި. ބަލިވެފަ އޮންނައިރު ސަޕޯޓަރުންގެ އަޑުއިވިފައި ވަރަށް ހިއްވަރު ލިބުން. މިރޭގެ މެޗުން މޮޅުވެވޭނެ ކަމުގެ އުންމީދު އެބައޮތް.“ ޔަޝާރު ބުނިއެވެ.
މިރޭ 21:00ގައި އެފް.އެޗް.ޓީ.އެސް ކުލިކް ކޮލެޖާ ވާދަކުރާއިރު، އެވަގުތު ގުރޫޕުގެ ދެންއޮތް ދެޓީމްކަމަށްވާ ޕޮލިޓެކުނިކް އާއި ފެސްޓްވެސް ވާދަކުރާނެއެވެ. މިއި މިގުރޫޕުގެ ކޮންމެ ޓީމެއްވެސް ކުޅޭ ގުރޫޕްސުޓޭޖް ފަހުމެޗެވެ. ކުއާޓާފައިނަލް އެއްވެސް ޓީމަކަށް އަދި ކަށަވަރުވެފަ ނުވާއިރު، ޕޮލެޓެކުނިކް އަށްވަނީ އަމިއްލަ ބާރު ކެޑިފައެވެ.
ލިޔުނީ: އާއިޝަތު ޝަމްލާ،
މީޑިއާ ކޯޑިނޭޓަރ، ޝެޓްސް
