އެމްޑަބުލިޔުއެސްސީ އެމްއެންޔޫއެސްޔޫ ފުޓްސަލް ފިއެސްޓާގެ ކުއާޓާ ފައިނަލްގެ މެޗުތައް މިރޭ ފެށޭއިރު އެމްއެންޔޫބީއެސްގެ ދެޓީމުންވެސް އޮތީ ތައްޔާރަށެވެ.
ގްރޫޕް ސްޓޭޖުގެ މެޗުތައް އިއްޔެ ނިމިފައިވާއިރު، ފިރިހެން ޑިވިޝަން އިން ގްރޫޕް ޑީއިން އެންމެ ފުރަތަމަ ކުއާޓާއަށް ދަތުރުކުރީ އެމްއެންޔޫބީއެސްގެ ފިރިހެން ޓީމެވެ. އަދި އަންހެން ޑިވިޝަނުގެ ގުރޫޕް ސީއިން ދެވަނަ ޓީމެއްގެ ގޮތުގައި އެމްއެންޔޫބީއެސްގެ އަންހެން ޓީމުވެސް ކުއާޓާ ފައިނަލަށް ވަނީ ގޮސްފައެވެ.
މިރޭ 8:00ގައި ކުއާޓާ ފައިނަލްގެ މެޗުތައް އެކުވެނި ވެލިދަނޑުގައި ފެށޭއިރު، ފުރަތަމަ މެޗުގައި އެމްއެންޔޫބީއެސްގެ އަންހެން ޓީމު ނިކުންނާނީ ސައިރިކްސް ކޮލެޖުގެ ޓީމާއި ދެކޮޅަށެވެ. ސައިރިކްސް ކޮލެޖަކީ ގްރޫޕް އޭއިން އެއް މެޗު ކާމިޔާބުކޮށް ގޯލް ފައިދާއިން ކުއާޓާ ކަށަވަރުކުރި ފުރަތަމަ ޓީމެވެ.
އަދި މިރޭ 10:45ގައި އެމްއެންޔޫބީއެސްގެ ފިރިހެން ޓީމު ކުއާޓާގައި ކުޅޭނީ ގްރޫޕް ބީއިން ކުއާޓާ ފައިނަލް ކަށަވަރުކުރި ދެވަނަ ޓީމު ފެސްޓް އާއެވެ.
މިރޭގެ މެޗު ކާމިޔާބު ކުރުމަށް ދެޓީމަށްވެސް ބެލުންތެރިންގެ ތަރުހީބު ވަރަށް މުހިއްމުވާނެއެވެ. އެހެންކަމުން ވީހާވެސް ގިނަ ދަރިވަރުން އެމްއެންޔޫބީއެސްގެ ދެޓީމަށް ހިތްވަރާއި ތަރުހީބު ދިނުމަށް މިރޭ ދަނޑަށް ދިޔުމީ ބީއެސްއެސްއޭގެ ވަރަށް ބޮޑު އެދުމެކެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
