އެމްޑަބްލިއުއެސްސީ އެމްއެންޔޫއެސްޔޫ ފުޓްސަލް ފިއެސްޓާގެ އަންހެން ޑިވިޝަނުގައި ވާދަކުރާ ޓީމުތަކުގެ ތެރެއިން ދިވެހިރާއްޖޭގެ ގައުމީ ޔުނިވަރސިޓީގެ ޓީމަކަށް ބާކީ އޮތީ ފެކަލްޓީ އޮފް އެޑިއުކޭޝަން އެކަންޏެވެ.
އަންހެން ޑިވިޝަނުގެ ސެމީ ފައިނަލްގެ މެޗުތައް 26 ސެޕްޓެމްބަރުގައި ބާއްވާއިރު ސެމީފައިނަލްގައި ކުޅޭނީ އެމްއެންޔޫ ފެކަލްޓީ އޮފް އެޑިއުކޭޝަންގެ ޓީމާއި ސައިރިކްސް ކޮލެޖްގެ ޓީމެވެ. ސެމީގެ ދެވަނަ މެޗުގައި ބައްދަލު ކުރާނީ އެމްއައި ކޮލެޖާއި ވިލާ ކޮލެޖެވެ.
ފެކަލްޓީ އޮފް އެޑިއުކޭޝަން ސެމީ އަށް ދަތުރު ކުރީ ސްކޫލް އޮފް ނާރސިން ދޭއް ސުމެއްގެ ނަތީޖާއަކުން ބަލިކޮށްގެންނެވެ.
މުބާރާތުގައި އެފްއީ ގެ އަމާޒަކީ ފައިނަލް ގައި ވާދަ ކުރުމެވެ. މި އަމާޒަށް ވާސިލު ވުމަށް ކުޅުންތެރިން ހިތްވަރާއެކު މަސައްކަތް ކުރާނެ ކަމަށް ޓީމުގެ ކެޕްޓަން ވަނީ ވިދާޅުވެފައަވެ.
ލިޔުނީ: އިބްރާހީމް އުމަރު،
މީޑިއާ ކޯޑިނޭޓަރ، ފެސާ، އެމް.އެން.ޔޫ.އެސް.ޔޫ
