އެމްޑަބްލިއުއެސްސީ އެމްއެންޔޫއެސްޔޫ ފުޓްސަލް ފިއެސްޓާގައި ފެކަލްޓީ އޮފް އެޑިއުކޭޝަނަށް ސަޕޯޓު ކޮށްދޭން އައި ހުރިހާ ފަރާތްތަކަށް އައްސަރިބަހާއި ސާބަހެވެ. އެހާވެސް ފޯރިގަދައެވެ. ފުރިހަމައެވެ.
ފައިނަލްގައި މިއަދު ފެކަލްޓީ އޮފް އެޑިއުކޭޝަން ކުޅޭއިރު މިއަދަކީ ސަޕޯޓަރުނގެ އަޑުގަދަވާންޖެހޭ ދުވަހެކެވެ. ފޯރިގަދަވާންޖެހޭ ދުވަހެކެވެ. މިއީ މުޅި އެމްއެންޔޫ ތަމްސީލުކުރާ މެޗަކަށް ވީތީއެވެ. ފުޓްސަލް ފިއެސްޓާގައި އެމްއެންޔޫއަށް އޮތް ހަމައެކަނި އުންމީދަށްވާތީއެވެ.
ސަޕޯޓަރުންގެ އަޑުން ރޭ ވެލިދަނޑު ގުގުމާލިގޮތަށް މިއަދުވެސް ސަޕޯޓުދޭން ވާނެއެވެ. ފަހުމިނެޓާ ހަމައަށް ސަޕޯޓަރުންގެ އަޑު ގަދަވާންވާނެއެވެ. ޓީމަށް ފޯރިއާ ހިތްވަރުދޭންވާނެއެވެ.
ރޭގެ މެޗުގެ ސަޕޯޓަރުންގެ ތެރެއިން އެމްއެންޔޫއެސްޔޫގެ އެހެނިހެން ގޮފިތަކުގެ މެމްބަރުންނާއި ދަރިވަރުން ފެނިގެން ދިޔައެވެ. ޝުކުރިއްޔާއެވެ. މިއަދުވެސް އެޖޯޝާއި ފޯރީގައި ޓީމަށް ހިތްވަރުދޭން ނުކުންނަންވާނެއެވެ.
އެމްޑަބްލިއުއެސްސީ އެމްއެންޔޫއެސްޔޫ ފުޓްސަލް ފިއެސްޓާގައި އެމްއައި ކޮލެޖާ ދެކޮޅަށް ފެކަލްޓީ އޮފް އެޑިއުކޭޝަން ނުކުންނާނީ މިއަދު ހަވީރު 3:45ގައެވެ. ކުޅޭނީ އެކުވެނި ވެލިދަނޑުގައެވެ.
ލިޔުނީ: އިބްރާހިމް އުމަރު
މީޑިއާ ކޯޑިނޭޓަރ، ފެސާ
