ޑީން އޮފް ސްޓޫޑެންސް – ”ނާދިޔާ މިސް“ އެމް.އެން.ޔޫ.އެސް.ޔޫގެ ހިންގާ ކޮމެޓީއާއި ބައްދަލު ކުރައްވައިފިއެވެ.
ނޮވެންބަރު މަހުގެ 26 ވަނަ ދުވަހު އޮތް މިބައްދަލުވުމުގައި މައިގަނޑު ގޮތެއްގައި ވާހަކަ ދެކެވިފައިވަނީ 2018 ވަނަ އަހަރު ސުޓޫޑެންޓް ސަޕޯޓްއިން ކުރުމަށް ހަމަޖެހިފައިވާ ކަންކަމުގައި އެމް.އެން.ޔޫ.އެސް.ޔޫގެ ދައުރާ ބެހޭ ގޮތުންނެވެ. އެގޮތުން މިބައްދަލުވުމުގައި ދެފަރާތުންވެސް (އެމް.އެން.ޔޫ.އެސް.ޔޫ އަދި ސްޓޫޑެންޓް ސަޕޯޓުން) ހިންގާ ކަންކަމުގައި އެއްބަޔަކު އަނެއްބަޔަކަށް އެއްބާރުލުން ދިނުމުގެ ގޮތުން ކުރެވިދާނެ ކަންތަކާ ބެހޭ ގޮތުންވަނީ މަޝްވަރާކުރެވިފައެވެ.
ނާދިޔާ މިސްގެ ވާހަކަ ފުޅުގައި، 2018 ވަނަ އަހަރަކީ އެމް.އެން.ޔޫ.އެސް.ޔޫގެ ހިންގާ ކޮމިޓީގެ އަމާޒާއި އެއްގޮތަށް އެމް.އެން.ޔޫ.އެސް.ޔޫ ”އަސްދަނޑިން ބޭރަށް“ ނެރެވޭނެ އަހަރަކަށް ވާނެކަމަށް ޤަބޫލުކުރައްވާ ކަމަށް ވިދާޅުވިއެވެ. އަދި މިހާރުވެސް ސުޓޫޑެންޓް ސަޕޯޓަށް އެންމެ އެއްބާރުލުންދޭ އެއް ފަރާތަކީ އެމް.އެން.ޔޫ.އެސް.ޔޫކަން ނާދިޔާ މިސް ވަނީ ފާހަގަކުރައްވާފައެވެ.
އެމް.އެން.ޔޫ އޭ ބުލޮކްގެ ފުރަތަމަ ފަންގިފިލާގެ ސެމިނަރ ރޫމްގައި އޮތް މިބައްދަލުކުރެއްވުމުގައި އެމް.އެން.ޔޫ.އެސް.ޔޫގެ ފަރާތުން ހިންގާ ކޮމެޓީ 6 މެންބަރުންވަނީ ބައިވެރިވެފައެވެ. މި ބައްދަލުވުންވެގެންދިޔައީ ދެފަރާތަށްވެސް ކާމިޔާބު އަދި އެހާމެ މުހިއްމު ބައްދަލުވުމަކަށެވެ.
