އެމް.އެން.ޔޫ.އެސް.ޔޫގެ ހިންގާ ކޮމިޓީއަށް ލަފާއަރުވާ ބޯޑު އެކުލަވާލައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ 6 ވަނަ ދައުރުގެ ހިންގާ ކޮމިޓީއަށް ލަފާއަރުވާ ބޯޑު އެކުލަވާލައިފިއެވެ. މި ބޯޑުގެ މެންބަރުންނަށް މަޤާމު ޙަވާލުކުރެވުނުކަމުގެ ލިޔުން ޙަވާލުކުރެވިގެންދިޔައީ 16 ފެބުރުވަރީ 2018ވީ ހުކުރުދުވަހުގެރޭ އެމް.އެން.ޔޫގެ ”އެފް.އީ އޮޑިޓޯރިއަމް“ގައި ކުރިއަށްދިޔަ އެމް.އެން.ޔޫ.އެސް.ޔޫގެ މާލޭ ކެމްޕަހުގެ ގޮފިތަކުގެ ހިންގާކޮމިޓީ މެންބަރުންނަށް މަޤާމު ޙަވާލުކުރެވުނުކަމުގެ ލިޔުން ޙަވާލުކުރުމުގެ ރަސްމިއްޔާތުގައެވެ.

އެމް.އެން.ޔޫ.އެސް.ޔޫގެ ހިންގާ ކޮމިޓީއަށް ލަފާއަރުވާ ބޯޑުގެ މެންބަރުންނަށް މަޤާމަށް ޢައްޔަނުކުރެވުނުކަމުގެ ލިޔުން ޙަވާލުކޮށްދެއްވީ އެމް.އެން.ޔޫ.އެސް.ޔޫގެ ރައީސް އަލްފާޟިލް އަރުޝަދު އަޝްރަފެވެ. މި ބޯޑުގައި ހިމެނޭ މެންބަރުންނަކީ:

1. އަލްފާޟިލް ޙުސައިން ޢަލީ، ނޫރާނީމާގެ / ނ. ހެނބަދޫ
2. އަލްފާޟިލް އަލީ އަމީރު، ލަކީ ސްޓާރ / ދ. ބަނޑިދޫ
3. އަލްފާޟިލް މާޒިން ޙުސައިން އިބްރާހީމް، އުދަރެސް / ރ. އިނގުރައިދޫ
4. އަލްފާޟިލް ޝާފިޢު އަޙްމަދު، ނޫމާގެ / ގދ. ރަތަފަންދޫ

އެމް.އެން.ޔޫ.އެސް.ޔޫގެ ހިންގާ ކޮމިޓީއަށް ލަފާއަރުވާ ބޯޑަކީ އެމް.އެން.ޔޫ.އެސް.ޔޫގެ ހިންގާ ކޮމިޓީއަށް ޢިލްމީ، ޤާނޫނީ އަދި ފަންނީ ލަފާ އެރުވުމަށް އެކުލަވާލައިފައިވާ ބޯޑެކެވެ.