ޔޫނިއަން އިންތިޚާބުގެ ފަހުގެ ތައްޔާރީތައް ކުރިއަށްދަނީ

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ހިންގާ ކޮމިޓީގެ 7 ވަނަ ދައުރުގެ މެންބަރުން ހޮވުމަށް ބާއްވާ ޢާންމު އިންތިޚާބުގެ ފަހުގެ ތައްޔާރީތައް ކުރިއަށް އެބަދެއެވެ.

މި އިންތިޚާބު ބޭއްވިގެން މިދަނީ ހިންގާ ކޮމިޓީގެ ޖުމްލަ 4 މަޤާމެއް ހޮވުމަށެވެ. އެއީ ނައިބު ރައީސް (ގޮފިތައް)، ނައިބު ރައީސް (ޢިލްމީ)، ސެކްރެޓަރީ އަދި އެސިސްޓެންޓް ސެކްރެޓަރީގެ މަޤާމުތަކެވެ. ބާކީ 4 މަޤާމުކަމަށްވާ ރައީސް، ނައިބު ރައީސް (އަމަލީ)، ޚަޒާންދާރު އަދި މީޑިއާ ކޯޑިނޭޓަރގެ މަޤާމުތަކެވެ.

އިންތިޚާބު ކުރިއަށްދާނީ މާދަމާ (01 ނޮވެންބަރ 2018)ގެ ހެނދުނު 10:00ން ރޭގަނޑު 08:00 އަށެވެ.

ވޯޓުފޮށިތަކުގެ ތަފްޞީލު

އެމް.އެން.ޔޫ ބީ.ބްލޮކްގައި ބެހެއްޓޭ ވޯޓު ފޮށި – (ފެކަލްޓީ އޮފް އެޑިއުކޭޝަން (އެފް.އީ)، ސެންޓަރ ފޯ އޯޕަން ލާރނިންގ (ސީ.އޯ.އެލް)، ސެންޓަރ ފޯ މެރިޓައިމް ސްޓަޑީޒް (ސީ.އެމް.އެސް) އަދި ސްކޫލް އޮފް މެޑިސިން (ސީ.އެމް)ގެ ދަރިވަރުން ވޯޓުލުމަށް)

އެމް.އެން.ޔޫ އޭ.ބްލޮކުގައި ބެހެއްޓޭ ވޯޓު ފޮށި – 1 (ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް) އަދި ފެކަލްޓީ އޮފް އާރޓްސް (އެފް.އޭ)ގެ ދަރިވަރުން ވޯޓުލުމަށް)

އެމް.އެން.ޔޫ އޭ.ބްލޮކުގައި ބެހެއްޓޭ ވޯޓު ފޮށި – 2 (ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް) އަދި ސެންޓަރ ފޯ ފައުންޑޭޝަން ސްޓަޑީޒް (ސީ.އެފް.އެސް)ގެ ދަރިވަރުން ވޯޓުލުމަށް)

އެމް.އެން.ޔޫ.ބީ.އެސްގައި ބެހެއްޓޭ ވޯޓު ފޮށި (އެމް.އެން.ޔޫ ބިޒްނަސް ސްކޫލް (އެމް.އެން.ޔޫ.ބީ.އެސް) އަދި ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ (އެފް.އީ.އެސް.ޓީ)ގެ ދަރިވަރުން ވޯޓުލުމަށް)

އެފް.އެޗް.އެސް/އެސް.އެން ގައި ބެހެއްޓޭ ވޯޓު ފޮށި (ފެކަލްޓީ އޮފް ހެލްތު ސައިންސް (އެފް.އެޗް.އެސް) އަދި ސްކޫލް އޮފް ނާރސިންގ (އެސް.އެން)ގެ ދަރިވަރުން ވޯޓުލުމަށް)

އެމް.އެން.ޔޫ ކުޅުދުއްފުށީ ކެމްޕަހުގައި ބެހެއްޓޭ ވޯޓު ފޮށި (ހދ. ކުޅުދުއްފުށީ ކެމްޕަހުގައި ކިޔަވާ ދަރިވަރުން ވޯޓުލުމަށް)

އެމް.އެން.ޔޫ ގަން ކެމްޕަހުގައި ބެހެއްޓޭ ވޯޓު ފޮށި (ލ. ގަން ކެމްޕަހުގައި ކިޔަވާ ދަރިވަރުން ވޯޓުލުމަށް)

އެމް.އެން.ޔޫ ތިނަދޫ ކެމްޕަހުގައި ބެހެއްޓޭ ވޯޓު ފޮށި (ގދ. ތިނަދޫ ކެމްޕަހުގައި ކިޔަވާ ދަރިވަރުން ވޯޓުލުމަށް)

އެމް.އެން.ޔޫ ހިތަދޫ ކެމްޕަހުގައި ބެހެއްޓޭ ވޯޓު ފޮށި (އައްޑޫ ސިޓީ ހިތަދޫ ކެމްޕަހުގައި ކިޔަވާ ދަރިވަރުން ވޯޓުލުމަށް)

ވޯޓު ލާން އަންނައިރު ސްޓޫޑެންޓް ކާޑު، ނުވަތަ ދިވެހިރައްޔިތެއްކަން އަންގައިދޭ ކާޑު ގެންނަން ޖެހޭނެއެވެ.

އެމް.އެން.ޔޫގައި ކިޔަވާ ހުރިހާ ދަރިވަރުންވެސް ނިކުމެ ވޯޓުލުމަކީ، އެމް.އެން.ޔޫ.އެސް.ޔޫގެ ވަރަށް ބޮޑު އިލްތިމާސެކެވެ.

ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ