ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 7 ވަނަ ދައުރުގެ ހިންގާ ކޮމިޓީގެ މެންބަރުން ހޮވުމަށް ބާއްވާ ޢާންމު އިންތިޚާބު ފެށިގެން ކުރިއަށް އެބަދެއެވެ. އެމް.އެން.ޔޫ މާލޭ ކެމްޕަހުގައި ޖުމްލަ 5 ފޮށި އަދި 4 އަތޮޅު ކެމްޕަހުން ކޮންމެ ކެމްޕަހެއްގައި ފޮއްޓެއް ބަހައްޓައިގެން ކުރިއަށްދާ މި އިންތިޚާބު ފެށީ މިއަދު ހެނދުނު 10:00ގައެވެ.
މިރޭ 08:00އާ ހަމައަށް ވޯޓުލުން ކުރިއަށްގެންދިއުމަށް ހަމަޖެހިފައިވާއިރު، މި ވޯޓުގައި ޔޫނިއަން ހިންގާ ކޮމިޓީގެ 4 މަޤާމެއް (ނައިބު ރައީސް (ގޮފިތައް)، ނައިބު ރައީސް (ޢިލްމީ)، ސެކްރެޓަރީ އަދި އެސިސްޓެންޓް ސެކްރެޓަރީ) އިންތިޚާބު ކުރެވޭނެއެވެ.
މިހާތަނަށް ވޯޓުލާފައިވާ ދަރިވަރުންގެ ޢަދަދު:
އެފް.އީ/ސީ.އޯއެލް/ސީ.އެމް.އެސް ފޮށި – 114
އެފް.އޭ/އެފް.އެލް.އައި.އެސް – 7
އެފް.އެޗް.ޓީ.އެސް/ސީ.އެފް.އެސް – 96
އެމް.އެން.ޔޫ.ބީ.އެސް/އެފް.އީ.އެސް.ޓީ – 76
އެފް.އެޗް.އެސް/އެސް.އެން – 160
ކުޅުދުއްފުށި ކެމްޕަސް – 35
ގަން ކެމްޕަސް – 30
ތިނަދޫ ކެމްޕަސް – 33
ހިތަދޫ ކެމްޕަސް – 5
އިންތިޚާބުގެ ވަގުތީ ނަތީޖާ މިރޭގެ ވަގުތެއްގައި އިޢުލާނުކުރެވޭނެކަމަށް މި އިންތިޚާބުގެ އިލެކްޝަނަ ކޮމިޓީން މަޢުލޫމާތު ދެއްވައެވެ. އިންތިޚާބުގެ އިލެކްޝަން ކޮމިޓީގައި ހިމެނެނީ:
ޙުސައިން ޢަލީ، އެފް.އީ.އެސް.ޓީ
އިބްރާހީމް ޣާނިމް ޝާހިދު، އެފް.އީ.އެސް.ޓީ
މަރިޔަމް ޝަފަޤް، އެސް.އެން
އިންތިޚާބުގައި ވޯޓުލުމަށް، އެމް.އެން.ޔޫގެ ހުރިހާ ދަރިވަރުންވެސް ދިއުމަށް އެމް.އެން.ޔޫ.އެސް.ޔޫ އިން އިލްތިމާސް ކުރެއެވެ.
ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
