ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ މާލޭ ކެމްޕަސް ގޮފިތަކުގެ ތެރެއިން 2018 ވަނަ އަހަރުގެ އެންމެ ޙަރަކާތްތެރި ގޮތްޕަކަށް، ފެކަލްޓީ އޮފް އެޑިއުކޭޝަންގައި ޤާއިމުކުރެވިފައިވާ ”ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)“ ހޮވިއްޖެއެވެ. އަދި 2018 ވަނަ އަހަރުގެ ކެމްޕަސް ގޮފިތަކުގެ ތެރެއިން އެންމެ ޙަރަކާތްތެރި ގޮތްޕަކަށް ހޮވިފައިވަނީ ގަން ކެމްޕަހުގައި ޤާއިމުކުރެވިފައިވާ ޔޫނިއަންގެ ގޮފި ”އަހުރަ“ އެވެ.
ޔޫނިއަންގެ 7 ވަނަ ދައުރުގެ ހިންގާ ކޮމިޓީ އިފްތިތާޙުކުރުމަށް ބޭއްވުނު ޙަފްލާގައި މި އިނާމުތައް ދެވުނުއިރު މާލޭ ކެމްޕަހުގެ 2 ވަނަ އަދި 3 ވަނަ އަށް ދިޔަ ގޮފިތައް ތިރީގައި އެވަނީއެވެ.
މާލޭ ކެމްޕަސް:
2 ވަނަ: ފެކަލްޓީ އޮފް ހެލްތު ސައިންސަސްގައި ޤާއިމުކުރެވިފައިވާ ”ހީލާރސް“
3 ވަނަ: އެމް.އެން.ޔޫ ބިޒްނަސް ސްކޫލްގައި ޤާއިމުކުރެވިފައިވާ ”ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ)“
މާލޭ ކެމްޕަހުގެ ގޮފިތަކާއި، އަތޮޅުތެރޭ ކެމްޕަސް ގޮފިތަކުގެ އިނާމު ދީފައިވަނީ ވަކިން ކަމަށްވާއިރު، މާލޭ ކެމްޕަސް ގޮފިތަކުގެ އިނާމު ޙަވާލުކޮށްދެއްވާފައިވަނީ އެމް.އެން.ޔޫ ޑެޕިއުޓީ ވައިސް ޗާންސެލަރ ޑރ. މުޢާވިޔަތު މުޙައްމަދެވެ. އަދި އަތޮޅުތެރޭ ކެމްޕަސްތަކުގެ ގޮފިތަކުގެ އިނާމު ޙަވާލުކޮށްދެއްވާފައިވަނީ އެމް.އެން.ޔޫ ޑެޕިއުޓީ ވައިސް ޗާންސެލަރ އަލްފާޟިލާ ޢާއިޝަތު ޝާހީނެވެ.
އެންމެ ޙަރަކާތްތެރި ގޮފީގެ އިނާމުގެ އިތުރުން، އެކަށީގެންވާ ކުރިއެރުން ހޯދާފައިވާ ގޮފިތަކަށްވެސް ވަނީ އިނާމުދީފައެވެ. މިގޮތުން، މާލޭ ކެމްޕަހުން ސެންޓަރ ފޯ ފައުންޑޭޝަން ސްޓަޑީޒްގައި ޤާއިމުކުރެވިފައިވާ ”ތަރަޙަ“ އަދި ފެކަލްޓީ އޮފް އާރޓްސްގައި ޤާއިމުކުރެވިފައިވާ ”ސިއާ“ މި އިނާމު ޙާސިލުކުރިއިރު، އަތޮޅުތެރޭ ކެމްޕަސްތަކުން، ހިތަދޫ ކެމްޕަހުގައި ޤާއިމުކުރެވިފައިވާ ”ދޮންދީނި“ އަދި ތިނަދޫ ކެމްޕަހުގައި ޤާއިމުކުރެވިފައިވާ ”ނޭކަ“ ވަނީ މި އިނާމު ޙާޞިލުކޮށްފައެވެ.
ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
