ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ފަރާތުން، އެންމެ ޙަރަކާތްތެރި ދަރިވަރުންނަށް ދެވޭ ދަރުމަވެރިކަމުގެ އިނާމުކަމަށްވާ، ”އެމް.އެން.ޔޫ.އެސް.ޔޫ މަރްޙޫމް އަޙްމަދު މުޙައްމަދުގެ ހަނދާނުގައި ދެވޭ އިނާމު“ 7 ފަރާތަކަށް ދީފިއެވެ.
ދަރިވަރުންގެ ޔޫނިއަންގެ 7 ވަނަ ދައުރުގެ ހިންގާ ކޮމިޓީ އިފްތިތާޙުކުރުމަށް ބޭއްވުނު ޙަފްލާގައި މި 7 ފަރާތަށް އިނާމު ޙަވާލުކޮށްދެއްވީ، އަލް މަރްޙޫމް އަޙްމަދު މުޙައްމަދުގެ ބޮޑުބޭބެ އަލް އުސްތާޛް މުޙައްމަދު ޠަލާލެވެ.
މި އިނާމު ޙާޞިލުކުރެއްވި ދަރިވަރުންނަކީ:
- އަލްފާޟިލާ އާމިނަތު ސަމާ މުޙައްމަދު، ހިޔަނި / ރ. ކަނދޮޅުދޫ
- އަލްފާޟިލާ ޢާއިޝަތު ސަޚާ މުޙައްމަދު، ހިޔަނި / ރ. ކަނދޮޅުދޫ
- އަލްފާޟިލް އިބްރާހީމް ޣާނިމް ޝާހިދު، މޫނިމާގެ / ދ. ކުޑަހުވަދޫ
- އަލްފާޟިލް ޢަބްދުﷲ އަޠޫފް އާތިފް، ގުލޯރީގެ / ޅ. ހިންނަވަރު
- އަލްފާޟިލް ނުހާދު ރަޝީދު، ޝަބްނަމީގެ / ގއ. މާމެންދޫ
- އެމް.އެން.ޔޫ ބިޒްނަސް ސްކޫލްގެ ބޮޑުބެރު ގްރޫޕް
- އަލްފާޟިލް އަރުޝަމް މުޙައްމަދު، މަދަދު / ހދ. ނޮޅިވަރަމް
މި އިނާމަކީ، ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް ސައިންސްގައި ބެޗްލަރސް އޮފް ސައިންސް ކިޔަވަމުންދަނިކޮށް، 2017 ވަނަ އަހަރު ހިތާމަވެރި ޙާދިސާއެއްގައި މި ދުނިޔެއާ ވަކިވެގެންދިޔަ، ހދ. ނޮޅިވަރަމް ހިތަށްފިނިވާގޭ އަލް މަރްޙޫމް އަޙްމަދު މުޙައްމަދުގެ ހަނދާނުގައިދެވޭ އިނާމެކެވެ. މި އިނާމު ދެވެނީ ދަރިވަރުންގެ ޔޫނިއަންގެ ޙަރަކާތްތަކުގައި އެންމެ ބޮޑަށް ޙަރަކާތްތެރި ދަރިވަރުންނަށެވެ. މި އިނާމު މީގެ ކުރިން 2 ދަރިވަރަކަށްވަނީ ދެވިފައެވެ.
ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
