އެމް.އެން.ޔޫ.އެސް.ޔޫ އިން ބައިނަލްއަޤްވާމީ ޙަރަކާތެއްކަމަށްވާ ޑީ.ޓީ.އެސްގައި ބައިވެރިވެއްޖެ

ބައިނަލްއަޤްވާމީ ޙަރަކާތެއްކަމަށްވާ ޑިޕްލޮމަސީ ޓޯކް ސީރީޒް (ޑީ.ޓީ.އެސް)ގެ މޯލްޑިވްސް ސަމިޓްގައި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 10 މެންބަރަކު ބައިވެރިވެއްޖެއެވެ.

މި ޙަރަކާތުގައި އެމް.އެން.ޔޫ.އެސް.ޔޫ އިން ބައިވެރިވީ ”ވިމަން ޑިމޮކްރަސީ“އާ ގުޅިގެންނެވެ. މި ޙަރަކާތް ކުރިއަށްދިޔައީ 23 ނޮވެންބަރ 2018ވީ ހުކުރުދުވަހުގެ ހަވީރު 04:00ން ރޭގަނޑު 10:00އަށް ހޮޓެލް ޖެންގައެވެ. މި ޙަރަކާތުގައި މޫސުމަށް އަންނަ ބަދަލުތަކުގެ ވާހަކަ ހިމެނޭ ސެޝަންއަކާއި، ދެމެހެއްޓެނިވި ތަރައްޤީގެ ލަނޑުދަނޑިތަކުގެ (ސަސްޓައިނަބަލް ޑިވޮލަޕްމަންޓް ގޯލްސް – އެސް.ޑީ.ޖީ) 5 – ޖިންސީ ތަފާތުކުރުން ނައްތާލުމާބެހޭގޮތުން ބޭއްވުނު ޕެނަލް ޑިސްކަޝަންއެއްގެ އިތުރުން އެސް.ޑީ.ޖީ 8 – މަސައްކަތްކުރުމާއި އިޤްތިޞާދީ ކުރިއެރުމާ ބެހޭ ޕެނަލް ޑިސްކަޝަންއެއް ކުރިއަށް ގެންދެވުނެވެ.

މި ޙަރަކާތުގައި އެމް.އެން.ޔޫ.އެސް.ޔޫގެ ފަރާތުން ބައިވެރިވި މެންބަރުންނަކީ:

1. އަނާ އަޙްމަދު – ފެކަލްޓީ އޮފް އެޑިއުކޭޝަން
2. އާމިނަތު ސަހާ – ފެކަލްޓީ އޮފް އެޑިއުކޭޝަން
3. ޚާތިމާ ޔޫސުފް – ފެކަލްޓީ އޮފް އެޑިއުކޭޝަން
4. ހަލީމަތު އާކިފާ ރަޝީދު – ފެކަލްޓީ އޮފް އެޑިއުކޭޝަން
5. ނުހާދު ރަޝީދު – ފެކަލްޓީ އޮފް އެޑިއުކޭޝަން
6. އިބްރާހީމް ޣާނިމް ޝާހިދު – ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ
7. އަލީ ޔާމީން – އެމް.އެން.ޔޫ ބިޒްނަސް ސްކޫލް
8. އާދަމް ރުޝްދީ – ފެކަލްޓީ އޮފް އެޑިއުކޭޝަން
9. ހަސަން ޝާހު – ފެކަލްޓީ އޮފް ހެލްތު ސައިންސަސް
10. މުޙައްމަދު އަބޫބަކުރު – ފެކަލްޓީ އޮފް އެޑިއުކޭޝަން
11. ޢަބްދުﷲ އަތޫފް އާތިފް – ސެންޓަރ ފޯ ފައުންޑޭޝަން ސްޓަޑީޒް

ބައިނަލް އަޤްވާމީ ޙަރަކާތެއްގައި ބައިވެރިވުމަކީ އެމް.އެން.ޔޫ.އެސް.ޔޫގެ 6 ވަނަ ދައުރުގެ މައިގަނޑު އެއް ވަޢުދެވެ. 6 ވަނަ ދައުރު ނިމުމުގެ ކުރިން މި ޙަރަކާތުގައި ބައިވެރިވުމުގެ ހުރިހާ ކަމެއްވަނީ ހަމަޖެހިފައިކަން ފާހަގަކޮށްލެވެއެވެ.

ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ