ދިވެހިރާއްޖޭގެ ސަރުކާރުން އިންތިޒާމުކޮށްގެން ވެރިރަށް މާލެތެރެ ސާފުކުރުމަށް ބޭއްވި ޕްރޮގްރާމުގައި ދިވެހިރާއްޖޭގެ ޤައުމީ ޔުނިވަރސިޓީގެ މެނޭޖްމަންޓުގެ ބޭފުޅުންނާއި، މުވައްޒަފުންގެ އިތުރުން ދަރިވަރުން ބައިވެރިވެއްޖެއެވެ.
08 ޑިސެމްބަރ 2018ވީ ހޮނިހިރުދުވަހުގެ ހެނދުނު 07.00ގައި ފެށި މި ޕްރޮގްރާމުގައި ސަރުކާރުގެ ވުޒާރާތަކާއި، މުއައްސަސާތަކުގެ އިތުރުން ކުންފުނިތައްވެސް ވަނީ ބައިވެރިވެފައެވެ. މާލޭގެ އެކި ސަރަހައްދުތަކަށް އެކި އެކި ޓީމުތައް ބަހާލައިގެން ކުރިއަށް ގެންދިޔަ މި ޕްރޮގްރާމުގައި އެމް.އެން.ޔޫ ޓީމުން މަސައްކަތްކުރީ މިނިސްޓްރީ އޮފް ހަޔަރ އެޑިއުކޭޝަނުގެ ދަށުންނެވެ.
އިޖްތިމާޢީ މިފަދަ މަސައްކަތްތަކަކީ އެމް.އެން.ޔޫ އާއި އެމް.އެން.ޔޫ.އެސް.ޔޫ އިން އަބަދުވެސް ވަރަށް ބޮޑު އިސްކަމެއްދޭ ކަންކަމެވެ. މިގޮތުން މީގެ ކުރިން މިއަހަރު ބޭއްވި ޕްރޮގްރާމެއްގައިވެސް އެމް.އެން.ޔޫ އިން ވަނީ ޢަމަލީގޮތުން ބައިވެރިވެފައެވެ.
ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
