ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮތްޕެއް، ދިވެހިރާއްޖޭގެ ޤައުމީ ޔުނިވަރސިޓީގެ ހިތަދޫ ކެމްޕަހުގައި ޤާއިމުކޮށް، އެ ގޮފީގެ ފުރަތަމަ ހިންގާ ކޮމިޓީގެ މެންބަރުންނަށް މަޤާމުގެ ލިޔުން ޙަވާލުކޮށްފިއެވެ. އެމް.އެން.ޔޫ ހިތަދޫ ކެމްޕަހުގައި ބޭއްވުނު މި ރަސްމިއްޔާތުގައި އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް) ޢަލީ ޝަމްޢޫން، ފެސާގެ ސެކްރެޓަރީ އާމިނަތު ސަހާ އަދި ބީ.އެސް.އެސް.އޭ މީޑިއާ ކޯޑިނޭޓަރ ޝުޢައިބް މުޙައްމަދު ބައިވެރިވެވަޑައިގެންނެވިއެވެ. މި ރަސްމިއްޔާތުގައި ހިތަދޫ ކެމްޕަހުގެ އެމް.އެން.ޔޫ.އެސް.ޔޫ ގޮފީގެ މެންބަރުންނަށް މަޤާމުގެ ލިޔުން ޙަވާލުކޮށްދެއްވީ ރަސްމިއްޔާތުގެ ޝަރަފުވެރި މެޙްމާން ޑރ. ޢަލީ އަދީލެވެ.
މި ރަސްމިއްޔާތުގައި އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް) ޢަލީ ޝަމްޢޫންގެ އިތުރުން ހިތަދޫ ކެމްޕަސް ގޮފީގެ ރައީސް އިސްމާޢިލް އަޙްމަދު ނަޢީމް އާއި ޝަރަފްވެރި މެޙްމާން ޑރ. އަދީލް ނަސީރު ވާހަކަފުޅުދައްކަވާފައިވެއެވެ. މީގެ އިތުރުން އެމް.އެން.ޔޫ.އެސް.ޔޫ ޓީމުގައި އައްޑޫ ސިޓީއަށް ވަޑައިގެންނެވި އައްޑޫސިޓީއަށް ނިސްބަތްވާ ދައިވަރެއް ކަމުގައިވާ އާމިނަތު ސަހާ (ފެސާގެ ސެކްރެޓަރީ) ވާހަކަފުޅު ދައްކަވާފައިވެއެވެ.
02 މާރިޗު 2018ވީ ހުކުރުދުވަހުގެރޭ ހިތަދޫ ކެމްޕަހުގެ ގޮފި އިފްތިތާޙު ކުރެވުނު ހަމަ އެރޭ އެމް.އެން.ޔޫގެ ގަން ކެމްޕަހުގައި ”އަހުރަ“ ގޮފީގެ 2 ވަނަ ދައުރުގެ ހިންގާ ކޮމިޓީ އާއި، ކުޅުދުއްފުށީ ކެމްޕަސް އަދި ތިނަދޫ ކެމްފަހުގައިވެސް މުޅީން އަލަށް އެމް.އެން.ޔޫ.އެސް.ޔޫގެ ގޮފިތައްވަނީ ޤާއިމުކޮށްފައެވެ.
