އެމް.އެން.ޔޫ.އެސް.ޔޫގެ ގޮފިތަކުގެ ހިންގާ ކޮމިޓީ މަޤާމުތަކަށް ކުރިމަތިލުމަށް ފުރުޞަތު ހުޅުވާލައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ގޮފިތަކުގެ ހިންގާ ކޮމިޓީ މަޤާމުތަކަށް ކުރިމަތިލުމަށް ފުރުޞަތު ހުޅުވާލައިފިއެވެ.

އެމް.އެން.ޔޫ މާލޭ ކެމްޕަހުގައި އެމް.އެން.ޔޫ.އެސް.ޔޫގެ 9 ގޮފި ހިމެނޭއިރު، އެމް.އެން.ޔޫގެ އަތޮޅުތެރޭގެ ކެމްޕަސްތަކަށް ނިސްބަތްވާ 4 ގޮތްޕެއް ވަނީ އުފެދިފައެވެ.

މާލޭ ކެމްޕަސް ގޮފިތައް:

• ފެކަލްޓީ އޮފް އެޑިއުކޭޝަން – ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)
• ފެކަލްޓީ އޮފް ހެލްތު ސައިންސަސް – ހީލާރސް
• އެމް.އެން.ޔޫ ބިޒްނަސް ސްކޫލް – ބިޒްނަސް ސްކޫލް ސްޓޫޑެންޓްސް އެސޯސިއޭޝަން (ބީ.އެސް.އެސް.އޭ)
• ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ – އިންޖިނިއަރިންގ، ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)
• ފެކަލްޓީ އޮފް ލޯ އެންޑް އިސްލާމިކް ސްޓަޑީޒް – ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް)
• ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް – ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް)
• ސްކޫލް އޮފް ނާސިންގ – ނިއަރެސް
• ފެކަލްޓީ އޮފް އާރޓްސް – ސިއާ
• ސެންޓަރ ފޯ ފައުންޑޭޝަން ސްޓަޑީޒް – ތަރަޙަ
• ސްކޫލް އޮފް މެޑިސިން – (ގޮފި އުފެއްދުމަށް ހުޅުވާލެވިފައި)

އަތޮޅުތެރޭ ކެމްޕަސްތަކުގެ ގޮފިތައް:

• ކުޅުދުއްފުށީ ކެމްޕަސް – ގުރުޒު
• ގަން ކެމްޕަސް – އަހުރަ
• ތިނަދޫ ކެމްޕަސް – ނޭކަ
• ހިތަދޫ ކެމްޕަސް – ދޮންދީނި

އެ ފެކަލްޓީއެއް/ކެމްޕަހެއްގެ ދަރިވަރަކަށް ކުރިމަތިލެވޭނީ އެ ފެކަލްޓީ/ކެމްޕަހެއްގައި ޤާއިމުކުރެވިފައިވާ ގޮފީގެ ހިންގާ ކޮމިޓީއަށެވެ. ގޮފިތަކުގެ އުޞޫލު އަދި ގޮފިތަކުގެ ހިންގާ ކޮމިޓީ މަޤާމުތަކަށް ކުރިމަތިލާން އެދޭ ފޯމު، މި ވެބްސައިޓުގެ ޑައުންލޯޑްސް ޕޭޖުން ލިބޭނެއެވެ. ފޯމު ފުރުމަށްފަހު މާލޭ ކެމްޕަހުގެ ދަރިވަރުން ފޯމު ހުށަހަޅަންޖެހޭނީ އެމް.އެން.ޔޫ.އެސް.ޔޫ އޮފީހަށެވެ. (އެމް.އެން.ޔޫ ބީ-ބްލޮކް، ރަށްދެބައިހިނގުން) އަތޮޅުތެރޭ ކެމްޕަސްތަކުގެ ދަރިވަރުން ފޯމު ހުށަހަޅާނީ އެ ކެމްޕަހެއްގެ އޮފީހަށެވެ.

ގޮފިތަކުގެ ހިންގާ ކޮމިޓީގެ މަޤާމުތައް:

• ރައީސް
• ނައިބު ރައީސް (ޢިލްމީ)
• ނައިބު ރައީސް (އަމަލީ)
• ޚަޒާންދާރު
• ސެކްރެޓަރީ
• މީޑިއާ ކޯޑިނޭޓަރ

ގޮފިތަކުގެ ހިންގާ ކޮމިޓީތަކަށް ކުރިމަތިލުމުގެ ސުންގަޑި އަކީ 14 މާރިޗު 2019ވާ ބުރާސްފަތިދުވަހުގެ މެންދުރުފަހު 01.00 އެވެ.

ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ