ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ މާލޭ ކެމްޕަހުގެ ގޮފިތަކުގެ ތެރެއިން އިންތިޚާބަށް ގޮސްފައިވާ ގޮފިތަކުގެ ވޯޓުލުން މިއަދު (2 އޭޕްރިލް 2019)ގެ ހެނދުނު ފެށިގެން ވަރަށް ފޯރީގައި ކުރިއަށްއެބަދެއެވެ.
އެގޮތުން މިފަހަރު މާލޭގެ ގޮފިތަކުގެ ތެރެއިން 2 ގޮތްޕެއްގެ 2 މަޤާމެއް އިންތިޚާބަށް ގޮސްފައިވެއެވެ. އެއީ އެމް.އެން.ޔޫގެ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް ގައި ގާއިމް ކޮށްފައިވާ ސޮސައިޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް (ޝެޓްސް) ގެ ސެކްރެޓަރީގެ މަގާމާއި އަދި އެމް.އެން.ޔޫގެ ފެކަލްޓީ އޮފް ލޯ އެންޑް އިސްލާމިކް ސްޓަޑީޒްގައި ގާއިމްކޮށްފައިވާ ސޮސައިޓީ ފޯރ ޝަރީޢާ އެންޑް ލޯ (އެސް.އެސް.އެލް)ގެ ރައީސްގެ މަގާމެވެ.
ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒްގައި ބެހެއްޓިފައިވާ ސޮސައިޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް (ޝެޓްސް)ގެ ފޮށްޓަށް ވޯޓުލުން ފެށިފައިވަނީ މިއަދުގެ ހެނދުނު 10:30 ގައެވެ. އަދި މި ފޮށްޓަށް ވޯޓުލުން ބަންދުވާނީ މިރޭގެ 7:30 ގައެވެ. މި ފޮށީގެ އިތުރުން ފެކަލްޓީ އޮފް ލޯ އެންޑް އިސްލާމިކް ސްޓަޑީޒްގައި ބެހެއްޓިފައިވާ ސޮސައިޓީ ފޯރ ޝަރީޢާ އެންޑް ލޯ ގެ ފޮށްޓަށްވެސް ވޯޓުލުން މިއަދުގެ ހެނދުނު 10:45 ގައި ފެށިފައިވެއެވެ. އަދި މިފޮށްޓަށް ވޯޓުލުން ބަންދުވާނީ މިރޭގެ 7:45 ގައި އެވެ.
މި ދެފޮށީގެވެސް ވޯޓުކަރުދާސްތައް ގުނުން ފެށޭނީ މިރޭގެ 8:30 ގައެވެ. ވޯޓްލެވޭ ދަރިވަރުން ގެ ލިސްޓުގައި ޖުމްލަ 1053 ދަރިވަރުން ރަޖިސްޓާރ ވެފައިވެއެވެ.
ލިޔުނީ: އާމިނަތު ރައުދާ
އެސިސްޓެންޓް ސެކްރެޓަރީ، އެމް.އެން.ޔޫ.އެސް.ޔޫ
