އިންޓަރ ފެކަލްޓީ ވޮލީބޯޅަ މުބާރާތް 2019ގެ ގުރުއަތުލުން ބާއްވައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ފަރާތުން އިންތިޒާމުކޮށްގެން ބާއްވާ ”އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2019″ގެ ގުރުއަތުލުމުގެ ރަސްމިއްޔާތު ބާއްވައިފިއެވެ.

އެމް.އެން.ޔޫ އޭ ބްލޮކުގައި ކުރިއަށްދިޔަ މި ހަފްލާގައި ޓީމުތަކުގެ ކެޕްޓަނުންނާއި މެނޭޖަރުންގެ އިތުރުން މުބާރާތުގެ ހިންގާ ކޮމިޓީގެ މެންބަރުން ވަނީ ބައިވެރިވެފައެވެ. މި މުބާރާތުގެ ފިރިހެން ޑިވިޝަނުގައި 8 ޓީމު ބައިވެރިވެފައިވާއިރު، އަންހެން ޑިވިޝަނުގައި ޖުމްލަ 9 ޓީމެއް ވަނީ ބައިވެރިވެފައެވެ. މުބާރާތުގެ ހިންގާ ކޮމިޓީގައި ހިމެނެނީ:

1. ޙަސަން ޝާހު (ޗެއަރ) – އެމް.އެން.ޔޫ.އެސް.ޔޫގެ ނައިބު ރައީސް (އަމަލީ)
2. ޙުސައިން ޢަލީ – (ކޯ ޗެއަރ) – އެމް.އެން.ޔޫ.އެސް.ޔޫގެ އެޑްވައިޒަރީ ބޯޑުގެ މެންބަރ
3. ޚާލިދު މުޙައްމަދު – އެމް.އެން.ޔޫ ފިރިހެން ވޮލީ ޓީމުގެ ކޯޗު
4. ޢަލީ ޝަމްޢޫން – އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް)
5. ޢަބްދުﷲ ޝަހުނީޒް – އެމް.އެން.ޔޫ.އެސް.ޔޫގެ ޚަޒާންދާރު
6. މުޙައްމަދު ޝާން ޢާމިރު – އެމް.އެން.ޔޫ.އެސް.ޔޫގެ މީޑިއާ ކޯޑިނޭޓަރ
7. އާމިނަތު ރައުދާ – އެމް.އެން.ޔޫ.އެސް.ޔޫގެ އެސިސްޓެންޓް ސެކްރެޓަރީ

މި މުބާރާތުގެ ޝެޑިއުލް އެމް.އެން.ޔޫ.އެސް.ޔޫގެ ވެބްސައިޓުން މިހާރު ލިބެން ހުންނާނެއެވެ. މުބާރާތް ފެށުމަށް ހަމަޖެހިފައިވަނީ 22 އެޕްރީލް 2018ވާ ހޯމަދުވަހެވެ. މުބާރާތުގެ ހުރިހާ މެޗެއް ކުޅުމަށް ހަމަޖެހިފައިވަނީ އެމް.އެން.ޔޫގެ ފެކަލްޓީ އޮފް އެޑިއުކޭޝަންގެ ޕީ.އީ ހޯލުގައެވެ.

ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ