އަންހެން ޑިވިޝަނުގައި ރޭގައި ކުޅުނު ފުރަތަމަ މެޗުގައި ބައްދަލު ކޮށްފައިވަނީ ސްކޫލް އޮފް ނާސިންގް (އެސް.އެން) އަދި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް)އެވެ. އެސް.އެން އިން ސީދާ ދެ ސެޓުން ވަނީ މެޗު ކާމިޔާބުކޮށްފައެވެ. މި މެޗުގެ ސެޓުތައް އެސް.އެންއިން ގެންދިޔައީ ( 25-11 ، 25-15 )އިންއެވެ. މެޗުގެ އެންމެ މޮޅު ކުޅުންތެރިޔާއަށް ހޮވިފައި ވަނީ އެސް.އެންގެ ޖާރޒީ ނަންބަރު 12 ޢާއިޝަތު ސައީދެވެ.
އެރޭގެ ދެވަނަ މެޗުގައި ބައްދަލުކޮށްފައި ވަނީ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ (އެފް.އީ.އެސް.ޓީ)އާއި އެފް.އެލް.އައި.އެސް އެވެ. މި މެޗު ކާމިޔާބުކޮށްފައި ވަނީ ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް) ކާމިޔާބުކޮށްފައި ވަނީ ސީދާ ދެ ސެޓުންއެވެ. މި މެޗުގެ ސެޓުތައް އެފް.އެލް.އައި.އެސް އިން ގެންދިޔައީ ( 25-16 ، 25-12 )އިންނެވެ. މެޗުގެ މޮޅު ކުޅުންތެރިޔާއަށް ހޮވިފައި ވަނީ އެފް.އެލް.އައި.އެސްގެ ޖާރޒީ ނަންބަރު 2 ފާޠިމަތު ޝިފްނާއެވެ.
މިއަހަރުގެ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތަކީ އެމް.އެން.ޔޫ.އެސް.ޔޫ.ގެ ފަރާތުން ސިލްސިލާ ގޮތެއްގައި ބާއްވާ 4 ވަނަ މުބާރާތެވެ. މިއަހަރުގެ މުބާރާތަކީ ފެކަލްޓީތަކުގެ އެންމެ ގިނަ އަދަދެއްގެ ޓީމު ވާދަކުރާ އަހަރެވެ. އެގޮތުން، ފިރިހެން ޑިވިޝަންގައި ޖުމްލަ 8 ޓީމެއް ވާދަކުރާއިރު، އަންހެން ޑިވިޝަނުގައި ޖުމްލަ 9 ޓީމެއް ވާދަކުރެއެވެ.
ލިޔުނީ: އަނޫފާ ޢަލީ
އެމް.އެން.ޔޫ.އެސް.ޔޫ މީޑިއާ ޓީމް
