މުބާރާތުގެ ސެމީ ފައިނަލުގެ ޖާގަތައް ކަށަވަރުވެއްޖެ

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން އިން އިންތިޒާމުކޮށްގެން ބާއްވާ އިންޓަރ ފެކަލްޓީ ވޮލީ ބޯޅަ މުބާރާތް 2019ގެ ސެމީ ފައިނަލުގެ ޖާގަތައް ކަށަވަރުވެއްޖެއެވެ.

މި ޖާގަތައް ކަށަވަރުވެގެން ދިޔައީ 26 އެޕްރީލް 2019ވީ ހުކުރުދުވަހު ކުޅުނު 11 މެޗާއިއެކު ގްރޫޕް ސްޓޭޖްގެ ހުރިހާ މެޗުތަކެއް ނިމުމުންނެވެ.

މުބާރާތުގެ އަންހެން ޑިވިޝަނުގެ ސެމީ ފައިނަލަށް ގްރޫޕް އޭގެ އެއްވަނަ ފެކަލްޓީ އޮފް ހެލްތު ސައިންސަސް، ގްރޫޕް ބީގެ އެއްވަނަ ސެންޓަރ ފޯ ފައުންޑޭޝަން ސްޓަޑީޒް އަދި ގްރޫޕް ސީގެ އެއްވަނަ ސްކޫލް އޮފް ނާރސިންގ ދަތުރު ކުރީ ކުޅުނު 2 މެޗުވެސް ކާމިޔާބުކޮށްގެންނެވެ. ސެމީ ފައިނަލުގެ 4 ވަނަ ޖާގަ އެމް.އެން.ޔޫ ބިޒްނަސް ސްކޫލަށް ލިބުނީ 3 ގްރޫޕުގެ 2 ވަނަ އަށް ދިޔަ ޓީމުތަކުގެ ތެރެއިން އެންމެ ނަތީޖާ ރަނގަޅު ޓީމަށްވެގެންނެވެ. އެގޮތުން، ގްރޫޕް ސީގައި އޮތް އެމް.އެން.ޔޫ ބިޒްނަސް ސްކޫލް ގްރޫޕް އޭގެ ފެކަލްޓީ އޮފް ލޯ އެންޑް އިސްލާމިކް ސްޓަޑީޒް އަދި ގްރޫޕް ބީގެ ފެކަލްޓީ އޮފް އެޑިއުކޭޝަނާއި ޕޮއިންޓުގެ ގޮތުން އެއްވަރުވެ، ފައިދާ ސެޓުގެ ގޮތުން އެއްވަރުވި ނަމަވެސް، ކުރި ލިބުނީ ފައިދާ ސްކޯއަށް ބެލުމުންނެވެ.

ފިރިހެން ޑިވިޝަނަށް ބަލާއިރު، 2 މެޗު ކާމިޔާބުކޮށް 1 މެޗުން ބަލިވެ، ގްރޫޕް އޭގެ އެއްވަނަ އަށް ސެންޓަރ ފޯ ފައުންޑޭޝަން ސްޓަޑީޒް އަދި ދެވަނަ އަށް ސްކޫލް އޮފް ނާރސިންގ ގޮސް ސެމީ ކަށަވަރު ކުރިއިރު، ކުޅުނު ހުރިހާ މެޗެއް ކާމިޔާބުކޮށް ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ ގްރޫޕް ބީގެ އެއްވަނަ ހޯދިއިރު، ދެވަނަ އަށް ދިޔައީ ސްކޫލް އޮފް ނާރސިންގ އެވެ.

މިއާއެކު، 27 އެޕްރީލް 2019ވާ ހޮނިހިރު ދުވަހު، އަންހެން ޑިވިޝަނުގެ ފުރަތަމަ ސެމީގައި އެފް.އެޗް.އެސް އަދި ސީ.އެފް.އެސް ވާދަކުރާއިރު، ދެވަނަ ސެމީގައި ވާދަކުރާނީ އެސް.އެން އަދި އެމް.އެން.ޔޫ.ބީ.އެސް އެވެ. ފިރިހެން ޑިވިޝަނުގެ ފުރަތަމަ ސެމީގައި ސީ.އެފް.އެސް އަދި އެފް.އެޗް.ޓީ.އެސް ވާދަކުރާއިރު، ދެވަނަ ސެމީގައި ބައްދަލުކުރާނީ އެފް.އީ.އެސް.ޓީ އަދި އެސް.އެން އެވެ.

ހުކުރުދުވަހު ކުޅުނު މެޗުތަކަށް ބަލާއިރު، ފުރަތަމަ މެޗުގައި އެފް.އީ އިން 2-1 (25-16، 25-21) ން އެފް.އޭގެ މައްޗަށް ކުރިހޯދިއިރު އެންމެ މޮޅު ކުޅުންތެރިޔަކަށް ހޮވުނީ އެފް.އީގެ ޖާރޒީ ނަންބަރ 01 އާމިނަތު ވާފިރާ އެވެ. ދެވަނަ މެޗުގައި 2-1ން (25-22، 15-25، 16-14) އެމް.އެން.ޔޫ.ބީ.އެސްގެ މައްޗަށް އެސް.އެން ކުރިހޯދިއެވެ. މި މެޗުގެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަންބަރ 02 މަރިޔަމް ނިޝާ އެވެ. އަދި ތިންވަނަ މެޗުގައި އެފް.އީ.އެސް.ޓީގެ މައްޗަށް ސީދާ 2 ސެޓުން (25-21، 25-13) އެފް.އެޗް.އެސް ކުރިހޯދިއިރު އެންމެ މޮޅު ކުޅުންތެރިޔަކަށް ހޮވުނީ އެފް.އެޗް.އެސްގެ ޖާރޒީ ނަންބަރ 01 ފާޠިމަތު އަޒްލީމާ އެވެ. މި 3 މެޗަކީ ވެސް އަންހެން ޑިވިޝަނުގެ 3 މެޗެވެ.

ދެން ކުޅެވުނީ ފިރިހެން ޑިވިޝަނުގެ 2 މެޗެވެ. އެގޮތުން 2-0ން (25-14، 25-18) އެފް.އީގެ މައްޗަށް އެސް.އެން ކުރި ހޯދިއިރު އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަންބަރ 08 އިބްރާހީމް ހާމިދެވެ. އަދި އެފް.އީ.އެސް.ޓީ އިން 2-0ން (25-08، 25-19) އެފް.އޭގެ މައްޗަށް ކުރިހޯދިއިރު، އެންމެ މޮޅު ކުޅުންތެރިޔަކަށް ހޮވުނީ އެފް.އީ.އެސް.ޓީގެ ޖާރޒީ ނަންބަރ 06 މުޙައްމަދު އާދަމް އެވެ.

ދެން ކުޅެވުނީ އަންހެން ޑިވިޝަނުގެ ގްރޫޕް ސްޓޭޖް ފަހު 2 މެޗުކަމަށް ވާއިރު، ފުރަތަމަ މެޗު އެފް.އީ އާ ވާދަކޮށް ސީ.އެފް.އެސް މޮޅުވީ ސީދާ 2 ސެޓުންނެވެ. (25-11، 25-12). މެޗުގެ މޮޅު ކުޅުންތެރިޔާ އަށް ހޮވުނީ ސީ.އެފް.އެސްގެ ޖާރޒީ ނަންބަރ 04 ހަލީމަތު އުނޫޝާ އެވެ. ފަހު މެޗުގައި އެމް.އެން.ޔޫ.ބީ.އެސް، އެފް.އެޗް.ޓީ.އެސްއާ ވާދަކޮށް 2-0ން (25-08، 25-08) މޮޅުވިއިރު، އެންމެ މޮޅު ކުޅުންތެރިޔަކަށް ހޮވުނީ އެމް.އެން.ޔޫ.ބީ.އެސްގެ ޖާރޒީ ނަންބަރ 12 އިނާޝާ އަބްދުއްރަހީމެވެ.

ފަހު 4 މެޗުގައި ބައްދަލުކުރީ ފިރިހެން ޑިވިޝަނުގެ ޓީމުތަކެވެ. ފުރަތަމަ މެޗު ސީ.އެފް.އެސްއާ ވާދަކޮށް ފޯރިގަދަ ކުޅުމަކަށްފަހު 2-1ން (18-25، 28-26، 15-09) އެސް.އެން ކާމިޔާބު ކުރިއިރު، އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖަރޒީ ނަންބަރ 7 މުޙައްމަދު އާދަމް އެވެ. ދެވަނަ މެޗު އެފް.އޭ އާ ބައްދަލުކޮށް 2-0ން (25-05، 25-07) އެފް.އެޗް.ޓީ.އެސް މޮޅުވިއިރު، އެންމެ މޮޅު ކުޅުންތެރިޔަކަށް ހޮވުނީ އެފް.އެޗް.ޓީ.އެސްގެ ޖާރޒީ ނަންބަރ 01 މުޙައްމަދު ޙުސައިނެވެ. ތިންވަނަ މެޗު އެމް.އެން.ޔޫ.ބީ.އެސް 2-1ން (26-24، 23-25، 15-13) ކާމިޔާބުކުރީ އެފް.އީ އާ ވާދަކޮށެވެ. މި މެޗުގެ އެންމެ މޮޅު ކުޅުންތެރިޔާ އަށް ހޮވުނީ އެމް.އެން.ޔޫ.ބީ.އެސްގެ ޖާރޒީ ނަންބަރ 08 އަޙްމަދު ރިޔުޝާނެވެ. އަދި ފަހު މެޗު އެފް.އެލް.އައި.އެސް އާ ވާދަކޮށް އެފް.އީ.އެސް.ޓީ އިން ކާމިޔާބު ކުރީ ސީދާ 2 ސެޓުންނެވެ. (25-16، 25-20) މެޗުގެ އެންމެ މޮޅު ކުޅުންތެރިޔަކަށް ހޮވުނީ އެފް.އީ.އެސް.ޓީގެ ޖަރޒީ ނަންބަރ 8 އަހްމަދު އަހުސަނެވެ.

ލިޔުނީ: މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ