ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން އިންތިޒާމުކޮށްގެން ބޭއްވި ”އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2019″ގެ ފިރިހެން ޑިވިޝަނުގެ ޗެމްޕިއަންކަން ފެކަލްޓި އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒްއިން ހޯދައިފިއެވެ. ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ އާ ބައްދަލުކޮށް، ފެކަލްޓި އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒްއިން ޗެމްޕިއަންކަން ހޯދާފައިވަނީ 3 ސެޓު 2 ސެޓުންނެވެ. މުބާރާތުގެ ފައިނަލުގައި މުޅީން އަލަށް ވާދަކުރި އެފް.އީ.އެސް.ޓީ އިން ފައިނަލަށް ދަތުރުކޮށްފައިވަނީ ކުޅުނު އެއްވެސް މެޗަކުން ބަލިނުވެއެވެ. މިގޮތުން، ގްރޫޕް ސްޓޫޖްގައި ކުޅުނު 3 މެޗުން އެފް.އެޗް.ޓީ.އެސް، އެފް.އެލް.އައި.އެސް އަދި އެފް.އޭ ބަލިކޮށްފައިވާއިރު، ސެމީ ފައިނަލުގައި އެސް.އެން ބަލިކޮށްފައިވަނީ 3 ސެޓު 1 ސެޓުންނެވެ. އެފް.އެޗް.ޓީ.އެސް ފައިނަލަށް ދަތުރުކުރިއިރު ބަލިވެފައިވަނީ ހަމައެކަނި އެފް.އީ.އެސް.ޓީ އަތުންނެވެ. ސެމީ ފައިނަލުގައި ސީ.އެފް.އެސްގެ މައްޗަށް ކުރިހޯދީ 3 ސެޓު 2 ސެޓުންނެވެ.
ފިރިހެން ޑިވިޝަނުގެ ފައިނަލް މެޗުގެ ފުރަތަމަ ސެޓު 25-23ން އެފް.އެޗް.ޓީ.އެސް އިން ހޯދާފައިވާއިރު، މި މެޗުގެ 2 ވަނަ އަދި 3 ވަނަ ސެޓު ކާމިޔާބުކޮށްފައިވަނީ އެފް.އީ.އެސް.ޓީއިންނެވެ. އެފް.އީ.އެސް.ޓީ އިން 2 ވަނަ ސެޓު 25-22 އިން ކާމިޔާބު ކޮށްފައިވާއިރު 3 ވަނަ ކާމިޔާބުކޮށްފައިވަނީ 25-18ންނެވެ. ނަމަވެސް އެންމެ ފޯރިގަދަވެގެންދިޔަ 4 ވަނަ ސެޓު 28-26ގެ ނަތީޖާއަކުން އެފް.އެޗް.ޓީ.އެސް އިން ކާމިޔާބުކޮށް، ނަތީޖާ ހަމަހަމަކުރިއެވެ. މި މެޗުގެ ފަހުސެޓު 15-08ން ފަސޭހަކަމާއެކު ކާމިޔާބުކޮށް، އެފް.އެޗް.ޓީ.އެސް އިން މިމުބާރާތުގެ ފިރިހެން ޑިވިޝަނުގެ ޗެމްޕިއަންކަން ހޯދިއެވެ. ފައިނަލް މެޗުގެ އެންމެ މޮޅު ކުޅުންތެރިޔަކަށް ހޮވުނީ އެފް.އެޗް.ޓީ.އެސްގެ ޖާރޒީ ނަންބަރ 01 މުޙައްމަދު ހުސައިންނެވެ.
ފިރިހެން ޑިވިޝަނުގައި ޖުމްލަ 8 ޓީމެއް ވާދަކޮށްފައިވެއެވެ. މި ޑިވިޝަންގެ ގަދަ 6 ގައި ހިމެނިފައިވަނީ ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 02 މުޙައްމަދު ޝަމްވީލް، ސްކޫލް އޮފް ނާރސިންގެ ޖާރޒީ ނަންބަރ 08 އިބްރާހީމް ޙާމިދު، ފެކަލްޓި އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒްގެ ޖާރޒީ ނަންބަރ 11 އައްޝަމް އިބްރާހީމް، ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޖާރޒީ ނަންބަރ 06 މުޙައްމަދު އާދަމް، ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 12 ޙުސައިން ޝާހު އަދި ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޖާރޒީ ނަންބަރ 03 ޢަބްދުﷲ ނާފިޢުއެވެ. މި ޑިވިޝަނުގެ އެންމެ މޮޅު ކުޅުންތެރިޔަކަށް ހޮވިފައިވަނީ ފެކަލްޓި އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒްގެ ޖާރޒީ ނަންބަރ 01 މުޙައްމަދު ޙުސައިންނެވެ.
ގަދަ 6 ށް ހޮވުނު ކުޅުންތެރިންނަށް ޓްރޮފީ ޙަވާލުކޮށްދެއްވީ ދިވެހިރާއްޖޭގެ ވޮލީބޯޅައިގެ ޤައުމީ ޓީމުގެ ކުރީގެ ކެޕްޓަން އަދި ސެޓަރ އަލްފާޟިލް ފަތުޙުﷲ ވަޙީދުކަމަށްވާއިރު، އެންމެ މޮޅު ކުޅުންތެރިޔާއަށް ޓްރޮފީ ޙަވާލުކޮށްދެއްވީ އެފް.އެޗް.އެސްގެ ލެކްޗަރަރ އަލްފާޟިލް މުޙައްމަދު ޒައިދެވެ.
ރަނަރސްއަޕް ޓީމް – އެފް.އީ.އެސް.ޓީ
ފިރިހެން ޑިވިޝަނުގެ ރަނަރސްއަޕްއަށް ހޮވުނު އެފް.އީ.އެސް.ޓީ އަށް މެޑަލް އަދި ޓްރޮފީ ޙަވާލުކޮށްދެއްވީ އެމް.އެން.ޔޫގެ ވައިސް ޗާންސެލަރ ޑރ. އަލީ ފަވާޒު ޝަރީފުކަމަށްވާއިރު، ފިރިހެން ޑިވިޝަނުގެ ޗެމްޕިއަން ޓީމް އެފް.އެޗް.ޓީ.އެސް އަށް މެޑަލް އަދި ޓްރޮފީ ޙަވާލުކޮށްދެއްވީ ވައިސް ޗާންސެލަރގެ އިތުރުން ރަސްމިއްޔާތުގެ ޝަރަފްވެރި މެޙްމާން ފިއުލް އެކްސްޕްރެސް މޯލްޑިވްސްގެ މެނޭޖިންގ ޑިރެކްޓަރ އަލްފާޟިލް މުޙައްމަދު ޝިހާބެވެ. އަދި މީގެ އިތުރުން ފެކަލްޓީ އޮފް އެޑިއުކޭޝަން އަދި އެ ފެކަލްޓީގެ ދަރިވަރުންގެ ފަރާތުން ޗެމްޕިއަން ޓީމަށް ދިން ޓްރޮފީ ޙަވާލުކޮށްދެއްވީ ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަންގެ ނައިބު ރައީސާ (އަމަލީ) އަލްފާޟިލާ ޙަލީމަތު އާކިފާ ރަޝީދެވެ.
ޗެމްޕިއަން ޓީމް – އެފް.އެޗް.ޓީ.އެސް
އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2019ގެ ހުރިހާ ޓްރޮފީއެއް ސްޕޮންސަރ ކޮށްދެއްވާފައިވަނީ ފިއުލް އެކްސްޕްރެސް މޯލްޑިވްސްގެ ފަރާތުންނެވެ.
ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
