ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ލީޑަރސް ގްރޫޕަށް ދަރިވަރުން ވެއްދުމަށްޓަކައި ބާއްވާ ”ނިއު ލީޑަރސް“ ޙަރަކާތުގެ 2019 ވަނަ އަހަރުގެ 2 ވަނަ ޙަރަކާތް ކުރިއަށް ގެންގޮސްފިއެވެ.
މި ޙަރަކާތް ކުރިއަށް ގެންދެވުނީ 13 އެޕްރީލް 2019 ވީ ދުވަހުގެ ހަވީރު 04.00ގައެވެ. އެމް.އެން.ޔޫގެ ފެކަލްޓީ އޮފް އެޑިއުކޭޝަން އޮޑިޓޯރިއަމްގައި ކުރިއަށްގެންދިޔަ މި ޙަރަކާތުގައި އެމް.އެން.ޔޫ.އެސް.ޔޫ ހިންގާ ކޮމިޓީގެ ބައެއް މެންބަރުން (ރައީސް އަރުޝަދު އަޝްރަފް، ނައިބު ރައީސް (ޢިލްމީ) އާދަމް ރުޝްދީ، ނައިބު ރައީސް (ގޮފިތައް) ޢަލީ ޝަމްޢޫން، ޚަޒާންދާރު ޢަބްދުﷲ ޝަހުނީޒް އަދި މީޑިއާ ކޯޑިނޭޓަރ މުޙައްމަދު ޝާން ޢާމިރު)ގެ އިތުރުން 19 ދަރިވަރުން ވަނީ ބައިވެރިވެފައެވެ. މި ދަރިވަރުންނަށް އެމް.އެން.ޔޫ.އެސް.ޔޫގެ ހަރަކާތްތަކުގެ ތައާރަފުދިނުމުގެ އިތުރުން، މުނިފޫހިފިލުވުމުގެ ބައެއް ޙަރަކާތްތައް ވަނީ ކުރިއަށް ގެންދެވިފައެވެ.
ޙަރަކާތުގެ ތެރެއިން
އެމް.އެން.ޔޫ.އެސް.ޔޫ ލީޑާރސް ގްރޫޕަކީ އެމް.އެން.ޔޫ.އެސް.ޔޫގެ ޙަރަކާތްތަކުގައި އުޅުމަށް އިސްވެ އުޅުމަށް ޝަޢުޤުވެރިވާ ދަރިވަރުންނަށް އަމާޒުކޮށް 2018ވަނަ އަހަރު ހަދާފައިވާ ގްރޫޕެކެވެ. މި ގްރޫޕަށް ވަނުމަށް އެމް.އެން.ޔޫގެ ކޮންމެ ދަރިވަރަކަށްވެސް ފުރުޞަތު އޮތްއިރު، ހަމަ އެކަނި ކޮށްލަންޖެހޭނެ ކަމަކީ އެމް.އެން.ޔޫ.އެސް.ޔޫގެ އޮފީހަށް ދުރުވެ، ނަންނޯޓު ކޮށްލުމެވެ.
ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
