ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި އެ ޖަމިއްޔާގެ ގޮތްޕެއްކަމަށްވާ ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް)އާ ގުޅިގެން އިންތިޒާމުކޮށް ބާއްވާ ”އެމް.އެން.ޔޫ.އެސް.ޔޫ އެސް.އެސް.އެލް ޤުރުއާން މުބާރާތް 2019“ ފަށައިފިއެވެ.
ޖުމްލަ 50 ދަރިވަރުން ބައިވެރިވި މި މުބާރާތުގެ ފުރަތަމަ ދަންފަޅި އޮތީ 2019 މެއި 17ވީ ހުކުރުދުވަހުގެ މެންދުރުފަހު 02.40ން 03.15 އަށެވެ. އެއަށްފަހު 2 ވަނަ ދަންފަޅި ހަވީރު 04.00ން 05.30ށް ކުރިއަށްގެންދެވިފައިވާއިރު، މިހާތަނަށް ޖުމްލަ 13 ދަރިވަރަކު ވަނީ ކިޔަވާފައެވެ.
”މި މުބާރާތަކީ އެމް.އެން.ޔޫ.އެސް.ޔޫގެ ތާރީޚުގައި މިހާ ގިނަ ދަރިވަރުންނާއެކު ބޭއްވޭ ފުރަތަމަ މުބާރާތް. މި މުބާރާތަށްފަހު، އެމް.އެން.ޔޫ.އެސް.ޔޫގެ މަދަޙަ މުބާރާތް ކުރިއަށް އޮތް އިރު، މިފެށޭ ހަފްތާގެ އާދީއްތަ ދުވަހުން (19 މެއި 2019) ބުދަ ދުވަހުގެ ނިޔަލަށް، ކެރަމް އެސޯސިއޭޝަނާއި ގުޅިގެން އެމް.އެން.ޔޫ.އެސް.ޔޫ ޝެޓްސް ކެރަމް މުބާރާތް ކުރިއަށް ދާނެ.“
މުޙައްމަދު ޝާން ޢާމިރު، މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
މި މުބާރާތުގައި ބަލައިގެން ކިޔެވުމުގެ ގޮފިންނާއި ނުބަލައި ކިޔެވުމުގެ ގޮފިން ކޮންމެ ގޮތްޕަކުން 1 ވަނަ، 2 ވަނަ އަދި 3 ވަނަ ހޮވުމަށް ނިންމާފައިވާއިރު، ކޮންމެ ގޮތްޕަކުން 1 ވަނަ، 2 ވަނަ އަދި 3 ވަނަ ފެކަލްޓީވެސް ހޮވާނެއެވެ.
މުބާރާތުގެ ކިޔެވުން ހުކުރުދުވަހުގެރޭ އަދި ހޮނިހިރުދުވަހުގެ މެންދުރުފަހާއި، ހަވީރު އަދި ރޭގަނޑު ކުރިއަށްދާނެއެވެ. މުބާރާތުގެ ޝެޑިއުލް މި ވެބްސައިޓުގެ ޑައުންލޯޑްސް ޕޭޖުން ޑައުންލޯޑް ކުރެއްވޭނެއެވެ.
މި މުބާރާތަކީ ސިލްސިލާގޮތެއްގައި ބާއްވާ މިފަދަ 7 ވަނަ މުބާރާތްކަމަށްވާޢިރު، އެމް.އެން.ޔޫ.އެސް.ޔޫ އުފެދުނު ފަހުން، ކޮންމެ އަހަރަކުވެސް ބާއްވާ 2 މުބާރާތަކަށް އޮތީ ޤުރުއާން މުބާރާތުގެ އިތުރުން ފުޓްސަލް ފިއެސްޓާ އެވެ.
