ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި މި ޖަމިއްޔާގެ ގޮތްޕެއްކަމަށްވާ ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް) ގުޅިގެން ބާއްވާ ”އެމް.އެން.ޔޫ.އެސް.ޔޫ މަދަޙަ މުބާރާތް 2019“ 22 މެއި 2019ވާ ބުދަދުވަހުގެރޭ ފެށުމަށް ހަމަޖެހިއްޖެއެވެ.
މި މުބާރާތުގައި ޖުމްލަ 54 ދަރިވަރުން ބައިވެރިވެފައިވާއިރު އޭގެ ތެރެއިން 47 ދަރިވަރުންނަކީ އަންހެން ދަރިވަރުންނެވެ. ފިރިހެން ދަރިވަރުންގެ ތެރެއިން މި މުބާރާތުގައި ބައިވެރިވީ 7 ދަރިވަރެކެވެ. މި މުބާރާތަކީ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)ގެ ހުރިހާ ދަރިވަރުންނަށް އަމާޒުކޮށްގެން ބޭއްވޭ މުބާރާތެކެވެ.
މިއީ އެމް.އެން.ޔޫ.އެސް.ޔޫގެ ތާރީޚުގައި ބޭއްވޭ 2 ވަނަ މަދަޙަ މުބާރާތެވެ.
– އެމް.އެން.ޔޫ.އެސް.ޔޫ
މުބާރާތުގެ ހުރިހާ ބައިވެރިންވެސް މަދަޙަ ހުށަހަޅާނީ ފެކަލްޓީ އޮފް އެޑިއުކޭޝަންގެ އޮޑިޓޯރިއަމްގައި ކަމަށްވާއިރު، މުބާރާތް ކުރިއަށްދާނީ މެއި 22، 23 އަދި 24 މި 3 ދުވަހުގެރޭ 09.00ން 11.00 އަށެވެ. މުބާރާތުގެ ޝެޑިއުލް މި ވެބްސައިޓުގެ ޑައުންލޯޑްސް ޕޭޖުން މިހާރު ލިބިލައްވާނެއެވެ.
ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
