ދިވެހި ރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި މި ޖަމުއިއްޔާގެ ގޮތްޕެއްކަމަށްވާ ސޮސައިޓީ އޮފް ޝަރީއާ އެންޑް ލޯ (އެސް.އެސް.އެލް) ގުޅިގެން ބޭއްވި ”އެމް.އެން.ޔޫ.އެސް.ޔޫ މަދަހަ މުބާރާތް 2019“ 24 މެއި 2019ވީ ހުކުރު ދުވަހުގެ ރޭ ނިމިއިޖެއެވެ.
މި މުބާރާތުގައި ޖުމްލަ 54 ދަރިވަރުން ބައިވެރިވެފައިވާއިރު އޭގެ ތެރެއިން 47 ދަރިވަރުންނަކީ އަންހެން ދަރިވަރުންނެވެ. ފިރިހެން ދަރިވަރުންގެ ތެރެއިން މި މުބާރާތުގައި ބައިވެރިވީ 7 ދަރިވަރެކެވެ. މި މުބާރާތަކީ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)ގެ ހުރިހާ ދަރިވަރުންނަށް އަމާޒުކޮށްގެން ބޭއްވި މުބާރާތެކެވެ.
އެމް.އެން.ޔޫ.އެސް.ޔޫ އެސް.އެސް.އެލް މަދަހަ މުބާރާތް 2019ގެ ތެރެއިން | ފޮޓޯ: އެމް.އެން.ޔޫ.އެސް.ޔޫ މީޑިއާ
މިއީ އެމް.އެން.ޔޫ.އެސް.ޔޫގެ ތާރީޚުގައި ބޭއްވި 2 ވަނަ މަދަޙަ މުބާރާތެވެ.
މުބާރާތުގެ ހުރިހާ ބައިވެރިންވެސް މަދަޙަ ހުށަހަޅާފާވަނީ ފެކަލްޓީ އޮފް އެޑިއުކޭޝަންގެ އޮޑިޓޯރިއަމްގައި ކަމަށްވާއިރު، މުބާރާތް ކުރިއަށްދިޔައީ މެއި 22، 23 އަދި 24 މި 3 ދުވަހުގެރޭ 09.00ން 11.00 އަށެވެ.
ލިޔުނީ: އަނޫފާ އަލީ
އެމް.އެން.ޔޫ.އެސް.ޔޫ މީޑިއާ ޓީމް
