ދިވެހި ރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ (އެމް.އެން.ޔޫ.އެސް.ޔޫ) އިންޓަރ ފެކަލްޓީ ބަހުސް މުބާރާތް މިދިޔަ ހޯމަ ދުވަހުގެ ރޭ ފަށައިފިއެވެ.
ޖަލްސާ ޝަރަފްވެރި ކޮށްދެއްވީ މިނިސްޓަރ އޮފް ހައުސިންގ އެންޑް އާރބަން ޑިވެލޮޕްމަންޓްގެ ނާއިބު އަލްފާޞިލް ޢަލީ ޝާމިންއެވެ. ވޭތުވެދިޔަ އަހަރުތަކެކޭވެސް އެއްފަދައިން މިމުބާރާތުގެ ފަޑިޔާރުންގެ ގޮތުގައި ހަތަރު ބޭފުޅަކު ހަރަކާތްތެރިވާނެއެވެ.
މިމުބާރާތަކީ ކޮންމެ
އަހަރަކުވެސް އެމް.އެން.ޔޫ.އެސް.ޔޫ އިން އިންތިޒާމު ކޮށްގެން ކުރިޔަށް ގެންދާ މުބާރާތެކެވެ.
މިއީ މިފަދަ ހަވަނަ މުބާރާތެވެ. ކުރީ އަހަރުތަކާ ހިލާފަށް މި އަހަރުގެ
މުބާރާތުގައި ކޮންމެ ފެލްޓީއަކަށް ވެސް ދެ ޓީމު ބައިވެރިކުރުމުގެ ފުރުސަތު ވާނީ ހުޅުވާލެވިފައެވެ.
މި މުބާރާތުގައި އެމް.އެން.ޔޫ ގެ އެކިއެކި ފެކަލްޓީތަކުން ޖުމްލަ ބާރަ ޓީމު ވާދަކުރުމަށްވަނީ
ހަމަޖެހިފައެވެ.
މިމުބާރާތުގެ ފުރަތަމަ ބަހުސްގައި ބައްދަލުކުރީ ސީ.އެފް.އެސް.ގެ ބީ.ޓީމާއި އެފް.އޭ.ގެ އޭ. ޓީމެވެ. 640 ޕޮއިންޓާއެކު މިބަހުސް ކާމިޔާބު ކުރީ އެފް.އޭ. ގެ އޭ. ޓީމެވެ. މި ބަހުސްގެ އެންމެ މޮޅު ބަހުސްކުރުން ތެރިޔާއަށް284.50 ޕޮއިންޓާއެކު ހޮވިފައިވަނީ އެފް.އޭ ގެ ދަރިވަރު ހަފްސީ އަބްދުﷲއެވެ.
މިމުބާރާތުގެ ދެވަނަ ބަހުސްގައި ބައްދަލުކުރީ އެފް.އެޗް.ޓީ.އެސް. ގެ ޓީމާއި އެފް.އީ. ގެ އޭ ޓީމެވެ. 699 ޕޮއިންޓާއެކު އެފް.އީ. ގެ އޭ. ޓީމު ދެވަނަ ބަހުސް ކާމިޔާބު ކޮށްފައިވާއިރު 252 ޕޮއިންޓާއެކު ދެވަނަ ބަހުސްގެ އެންމެ މޮޅު ބަހުސް ކުރުންތެރިޔާއަށް ހޮވިފައިވަނީ އެފް.އީ ގެ ދަރިވަރު ޝަޒާރަތު ޝަރީފެވެ.
ލިޔުނީ: ހަސްނާ އިބްރާހީމް
އެމް.އެންޔޫ.އެސްޔޫ މީޑިޔާ
