އެމް.އެން.ޔޫ.އެސް.ޔޫ އިންޓަރ ފެކަލްޓީ ބަހުސް
މުބާރާތް 2019ގެ ފުރަތަމަ ބުރު ނިމިއްޖެއެވެ.
މިއަދު ބޭއްވުނު ބަހުސްތަކުގައި ޖުމްލަ 4 ޓީމެއް ބައިވެރިވެ، ވާދަވެރި ދެބަހުސެއް
ކޮށްފައިވެއެވެ.
މިގޮތުން މިއަދު އެންމެ ފުރަތަމަ ވާދަކޮށްފައިވާ ދެޓީމަކީ ފެކަލްޓީ އޮފް އާރޓްސް (އެފް.އޭ)ގެ ބީ ޓީމާއި ފެކަލްޓީ އޮފް އެޑިއުކޭޝަން (އެފް.އީ)ގެ ބީ ޓީމެވެ. 723.5 ޕޮއިންޓާއި 649 ޕޮއިންޓްގެ ފަރަގަކުން މިމުބާރާތުގެ ފަސްވަނަ ބަހުސް ކާމިޔާބު ކޮށްފައިވަނީ އެފް.އީ ގެ ބީ ޓީމެވެ. އަދި އެންމެ މޮޅު ބަހުސްކުރުންތެރިއަކަށް ހޮވިފައިވަނީ އެފް.އީގެ ދަރިވަރު އާމިނަތު ހަމީޒާއެވެ.
ދެވަނައަށް ވާދަކޮށްފައިވާ ދެޓީމަކީ ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް)ގެ ބީ ޓީމާއި ފެކަލްޓީ އޮފް އެންޖިނިއަރިންގ ސައިންސް އެންޑް ޓެކްނޮލޮޖީ (ފެސްޓް)އެވެ. 706 ޕޮއިންޓާއި 411 ޕޮއިންޓްގެ ބޮޑުފަރަގަކުން (އެފް.އެލް.އައި.އެސް)ގެ ބީ ޓީމް މުބާރާތުގެ ހަވަނަބަހުސް ކާމިޔާބުކޮށްފައިވާއިރު ބަހުސްގެ އެންމެ މޮޅު ބަހުސްކުރުންތެރިއަކަށް ހޮވިފައިވަނީ އެފް.އެލް.އައި.އެސްގެ ދަރިވަރު އާމިނަތު ނަސޫހާ ރަޝީދެވެ.
މުބާރާތުގެ ދެވަނަ ބުރު ފަށަން ހަމަޖެހިފައިވަނީ 29 އޮގަސްޓްވާ ބުރާސްފަތި ދުވަހުގެ ރެއެވެ. މިބުރުގައި ޖުމްލަ 3 ބަހުސެއް ކުރަން ހަމަޖެހިފައިވާއިރު ފުރަތަމަ ބަހުސްގައި ބައްދަލުކުރާނީ ފެކަލްޓީ އޮފް އާރޓްސް (އެފް.އޭ)ގެ އޭ ޓީމާއި ފެކަލްޓީ އޮފް އެޑިއުކޭޝަން (އެފް.އީ)ގެ އޭ ޓީމެވެ. ދެވަނަ ބަހުސްގައި ބައްދަލު ކުރާނީ ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް)ގެ އޭ ޓީމާއި އެމް.އެން.ޔޫ ބިޒްނަސް ސްކޫލެވެ. އަދި 3ވަނަ ބަހުސްގައި ބައްދަލު ކުރަން ހަމަޖެހިފައިވާ ދެޓީމަކީ ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް)ގެ ބީ ޓީމާއި ފެކަލްޓީ އޮފް އެޑިއުކޭޝަން (އެފް.އީ)ގެ ބީ ޓީމެވެ.
ލިޔުނީ: އާމިނަތު ޝަމާ،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
