ފްރެޝާޒް ނައިޓްއަކީ ދިވެހިރާއްޖޭގެ ގައުމީ ޔުނިވަރސިޓީއިން ކޮންމެ ސެމިސްޓަރ އަކުވެސް އެއްފަހަރު ސެމިސްޓަރ ފެށުމުގެ ގޮތުން ބާއްވާ އިވެންޓެކެވެ. މި އިވެންޓްގެ މައިގަނޑު މަގްސަދަކީ ޔުނިވަސިޓީއާއި އަލަށް ގުޅޭ ދަރިވަރުންނަށް ތަނުގެ މާހައުލު ރަނގަޅަށް ދަސްކޮށްދީ އެކުވެރި މާހައުލެއް ބިނާކޮށް ދަރިވަރުންގެ މެދުގައި އޮންނަ ގުޅުން ބަދަހި ކުރުމެވެ.
2019 ވަނަ އަހަރުގެ އޯގަސްޓް އިންޓޭކްގެ ފްރެޝާޒް ނައިޓް ބާއްވާފައި ވަނީ އޯގަސްޓް މަހުގެ އެއްވަނަ ދުވަހު އެފް.އީ.ޕީ.އީ ހޯލްގައެވެ. މި އިވެންޓް ޝަރަފުވެރި ކޮށްދެއްވީ ދިވެހިރާއްޖޭގެ ގައުމީ ޔުނިވަސިޓީގެ ކުރީގެ ވައިސް ޗާންސެލާ ޑރ.އަލީ ފަވާޒް ޝަރީފްއެވެ. ވައިސް ޗާންސެލާގެ އިތުރުން ޔުނިވަސިޓީގެ ޑީނުންނާއި އެހެނިހެން މުވައްޒަފުންވެސް ވަނީ މި އިވެންޓްގާ ބައިވެރިވެފައެވެ.
މި ސެމިސްޓާގެ ފްރެޝާޒް ނައިޓްގައިވެސް ތަފާތު އެކި ކުޅިވަރު ހަރަކާތް ވަނީ ކުރިއަށް ގެންގޮސްފައެވެ. އަދި
މިއިވެންޓްގައި 70އަށްވުރެ ގިނަ ކުދިން ބައިވެރިވިއެވެ.
ލިޔުނީ: އަނޫފާ ޢަލީ
އެމް.އެން.ޔޫ.އެސް.ޔޫ މީޑިއާ ޓީމް
