ގދ. ތިނަދޫގައި ކުރިޔަށްދާ ވައިއެލްއެން ފޯރަމުގައި އެމްއެންޔޫއެސްޔޫގެ ހަ މެމްބަރުން ބައިވެރިވެއްޖެއެވެ.
ތިނަދޫގައި ކުރިޔަށްދާ މި ފޯރަމްގެ މައުލޫއަކީ ”ތަހުޒީބު މުޖްތަމައަކަށް ޒިންމާދާރު ޒުވާނުން“ނެވެ. މިއީ މިއަހަރުގެ ތިންވަނަ ފޯރަމެވެ. މިއަހަރުގެ ފުރަތަމަ ފޯރަމް ހއ. ހޯރަފުށީގައި ބޭއްވުނު އިރު ދެވަނަ ފޯރަމް ބޭއްވުނީ ހުޅުމާލޭގައެވެ. މި ދެ ފޯރަމްގައި ވެސް ދިވެހިރާއްޖޭގެ ޤައުމީ ޔުނިވާސިޓީގެ ދަރިވަރުންގެ ޔޫނިއަނުން ވަނީ ބައިވެރިވެފައެވެ.
ތިނަދޫގައި ކުރިޔަށްދާ ފޯރަމުގައި އެމް.އެން.ޔޫ.އެސް.ޔޫ ގެ ފަރާތުން ބައިވެރިވާ ދަރިވަރުންނަކީ:-
މުހައްމަދު ޝާން އާމިރް (އެމް.އެން.ޔޫ.އެސް.ޔޫގެ ރައީސް)
ފާތިމަތު ނަޒާހާ ނަޒީމް ( ސެކެރެޓަރީ، ތަރަހަ)
އިމްތިޝާލް އަހްމަދު ނައީމް (އެމްއެންޔޫއެސްޔޫ، ލީޑަރ)
އާއިޝަތު ދީނާ އަހްމަދު (އެމްއެންޔޫއެސްޔޫ، ލީޑަރ)
މަރިޔަމް ރިފްގާ މުހައިމިން (ސެކެރެޓަރީ، ބީއެސްއެސްއޭ)
ޝުއައިބް މުހައްމަދު އިގްބާލް (އެމްއެންޔޫއެސްޔޫ ފޮޓޯގްރާފަރ)
ވައިއެލްއެންގެ ރައީސާ ސަނާ ޝަފީގް ވިދާޅުވީ މީގެ ކުރިން ވައިއެލްއެން އިން ބާއްވައިފައިވާ ފޯރަމް ތަކާއި މި ފޯރަމް ތަފާތުވާނެ ކަމަށާއި މި ފޯރަމްގައި ބޮޑަށް ހިމަނައިފައިވާނީ އިޖްތިމާއީ ހަރަކާތްތައް ކަމަށެވެ.
މީގެ އިތުރުން ސަނާ ވިދާޅުވީ އެމްއެންޔޫއެސްޔޫ އިން މި ފޯރަމް ތަކުގައި ބައިވެރިވާ ކުދިންގެ ފަރާތުން ވަރަށް ބޮޑު އެއްބާރުލުމެއް ލިބިގެންދާ ކަމަށާއި އެކުދިންގެ މަސައްކަތްތައް ވަރަށް ފުރިހަމަ ކަމަށެވެ.
”ގދ.ތިނަދޫގަ ބޭއްވުނު ފޯރަމްގަ ހުރިހާކުދިންވެސް ވަރަށް އިންޓަރެކްޓްވެ ވަރަށް އެކުވެރި ކަމަށް ފާހަގަ ކުރެވޭ. އަދި ފޯރަމްގެ އޯގަނައިޒިންގ ވަރަށް ރަނގަޅު. ވައި.އެލް.އެން މެމްބާރސް އާ އެމް.އެން.ޔޫ.އެސް.ޔޫ އިން ބައިވެރިވި ކުދިން ވަރަށް ހަރަކާތްތެރިވި. ވަރަށް ރަނގަޅަށް ކުރިޔަށް ދިޔަ ފޯރަމެއްގެ ގޮުތުގަ ފާހަގަ ކުރެވެނީ“
ވައި.އެލް.އެންގެ ރައީސާ |ސަނާ ޝަފީގް
ޔޫތް ލީޑާރސް ނެޓްވޯރކް (ވައި.އެލް.އެން)އަކީ ޒިންމާދާރު ޒުވާން ލީޑަރުން ބިނާކުރުމުގެ ގޮތުން މިނިސްޓްރީ އޮފް ހޯމް އެފެއާޒްއާ ހަވާލުކޮށްފައިވާ މަސްއޫލިއްޔަތު އަދާކުރުމަށް އެހީތެރިވުމުގެ ގޮތުން ވައިއެލްއެން ގެ ނަމުގައި ޔުނިވަރސިޓީ އަދި ކޮލެޖުތަކުގެ ދަރިވަރުން އެކުލެވޭގޮތަށް އުފައްދާފައިވާ ނެޓްވޯރކެކެވެ.
ލިޔުނީ: ޝަމާ މުޙައްމަދު
މީޑިއާ ކޯޑިނޭޓަރ އެމް.އެން.ޔޫ.އެސް.ޔޫ
