އެމް.އެން.ޔޫ.އެސް.ޔޫ ބަހުސް މުބާރާތް 2019 ގެ ޗެމްޕިއަންކަން އެފް.އެލް.އައި.އެސްގެ ބީ ޓީމުން ހޯދައިފިއެވެ. މި މުބާރާތުގެ ޗެމްޕިއަންކަން މި ޓީމުން ހޯދީ ފައިނަލުގައި ހަމަ އެ ފެކަލްޓީގެ އޭ ޓީމާ ވާދަކޮށެވެ.
އެފް.އެލް.އައި.އެސް ގެ (ބީ) ޓީމުން ފައިނަލް ބަހުސްގައި 833 ޕޮއިންޓް ހާޞިލުކުރިއިރު، (އޭ) ޓީމަށް ހާޞިލުކުރެވުނީ 701 ޕޮއިންޓެވެ. މި ބަހުސް ގެ އެންމެ މޮޅު ބަހުސް ކުރުން ތެރިއަކަށް ހޮވުނީ އެފް.އެލް.އައި.އެސްގެ ބީ ޓީމުގެ ޖޫޒާން ޚަލީލްއެވެ. އަދި މުޅި މުބާރާތުގެ އެންމެ މޮޅު ބަހުސް ކުރުންތެރިއަކަށްވެސް ހޮވިފައިވަނީ ޖޫޒާން ޚަލީލްއެވެ.
ބަހުސްގެ ފައިނަލަށް ފަހު މުބާރާތުގެ ނިމުމުގެ ރަސްމިއްޔާތުވެސް ވަނީ ބާއްވާފައެވެ.
ނިމުމުގެ ރަސްމިއްޔާތު ޝަރަފްވެރިކޮށްދެއްވާ ވާހަކަފުޅު ދައްކަވަމުން ދިވެހި ރާއްޖޭގެ ޤައުމީ ޔުނިވާސިޓީގެ ވައިސް ޗާންސެލަރ ޑރ. މުޙައްމަދު ޝަރީފް ވިދާޅުވީ ބަހުސް މުބާރާތްފަދަ އިލްމީ މުބާރާތްތައް ބޭއްވުމަކީ ޔުނިވާސިޓީއެއްގައި ކުރަންޖެހޭނެ އެންމެ މުހިންމު އެއް ކަންތައްކަމުގައެވެ. އަދި މިފަދަ ހަރަކާތްތައް މިއަށްވުރެ ގިނައިން ބާއްވަން ޖެހޭނެކަމަށް ވައިސް ޗާންސެލަރ ވަނީ ވިދާޅުވެފައެވެ. ހަމައެއާއި އެކު މުބާރާތުގައި އެއް ފެކަލްޓީއަކުން އެއް ޓީމަކަށްވުރެ ގިނަ ޓީމުން ބައިވެރިވުމަކީ ޤައުމީ ޔުނިވަރސިޓީގައި އަދަބީ ކަންތައްތަކަށް ދޭ ސަމާލުކަން ފެނިގެންދިޔަ ކަމެއްގެ ގޮތުގައިވެސް ވައިސް ޗާންސެލަރ ފާހަގަ ކުރެއްވިއެވެ.
މި ރަސްމިއްޔާތުގައި މުބާރާތުގައި ފަނޑިޔާރުކަން ކުރެއްވި ފަރާތްތަކަށް ރެފަރެންސް ލެޓަރ ޙަވާލުކުރެވިފައިވާއިރު ބައިވެރިވި ޓީމުތަކަށްވެސް ވަނީ ހަނދާނީ ލިޔުން ޙަވާލުކުރެވިފައެވެ.
ރެފަރެންސް ލެޓަރ ހަވާލުކޮށްދެއްވީ އެމް.އެން.ޔޫ.އެސް.ޔޫގެ ރައީސް މުހައްމަދު ޝާން ޢާމިރުކަމަށްވާއިރު، ހަނދާނީ ލިޔުންތައް ޙަވާލުކޮށްދެއްވީ ފެކަލްޓީ އޮފް އެޑިއުކޭޝަންގެ ޑީން އަލްފާޟިލާ މަރިޔަމް ފިޒާނާ ރަޝީދެވެ.
މި ރަސްމިޔާތުގައި، މުބާރާތުގައި ބޭއްވުނު ބަހުސްތަކުން
ހޮވުނު އެންމެ މޮޅު ބަހުސް ކުރުންތެރިންނަށް ވަނީ ހަނދާނީ ލިޔުން ހަވާލުކޮށްފައެވެ. މި ހަނދާނީ
ލިޔުންތައް ހަވާލުކޮށްދެއްވާފައިވަނީ މުބާރާތުގެ އިސްފަނޑިޔާރު އަލްފާޟިލާ ޒުލްފާ
އިބްރާހީމެވެ.
މިގޮތުން ބަހުސް ތަކުން އެންމެ މޮޅު ބަހުސްކުރުންތެރިޔާގެ މަޤާމު ހާޞިލްކޮށްފައިވަނީ:
1. ފުރަތަމަ ބަހުސް: ސީ.އެފް.އެސް އަދި އެފް.އޭ: ހަފްސީ އަބްދުﷲ (އެފް.އޭ)
2. ދެވަނަ ބަހުސް: އެފް.އެޗް.ޓީ.އެސް އަދި އެފް.އީ: ޝަޒާރަތު ޝާރީފް (އެފް.އީ)
3. ތިންވަނަ ބަހުސް: ސީ.އެފް.އެސް (އޭ) އެފް.އެލް.އައި.އެސް (އޭ): އާއިޝަތު ޒަހާ (އެފް.އެލް.އައި.އެސް) (އޭ)
4. ހަތަރުވަނަ ބަހުސް: އެސް.އެން އަދި އެމް.އެން.ޔޫ.ބީ.އެސް: ފާތިމަތު މާސާ (އެމް.އެން.ޔޫ.ބީ.އެސް)
5. ފަސްވަނަ ބަހުސް: އެފް.އޭ (ބީ) އަދި އެފް.އީ (ބީ): އާމިނަތު ހަމީޒާ (އެފް.އީ)
6. ހަވަނަ ބަހުސް: އެފް.އެލް.އައި.އެސް (ބީ) އަދި ފެސްޓް: އާމިނަތު ނަސޫހާ (އެފް.އެލް.އައި.އެސް ބީ)
7. ހަތްވަނަ ބަހުސް: އެފް.އޭ (އޭ) އަދި އެފް.އީ (އޭ): މުހައްމަދު ރާއިދް ސައީދް (އެފް.އޭ އޭ)
8. އަށްވަނަ ބަހުސް: އެފް.އެލް.އައި.އެސް (އޭ) އަދި އެމް.އެން.ޔޫ.ބީ.އެސް: އައިޝަތު ޒަހާ (އެފް.އެލް.އައި.އެސް އޭ)
9. ނުވަވަނަ ބަހުސް: އެފް.އެލް.އައި.އެސް (ބީ) އަދި އެފް.އޭ (ބީ): އާމިނަތު ނަސޫހާ/ އަހްމަދު ތޯއިލް (އެފް.އެލް.އައި.އެސް ބީ)
10. ސެމީ ފައިނަލް: އެފް.އެލް.އައި.އެސް (ބީ) އަދި އެފް.އޭ (އޭ): މުހައްމަދު ތޯއިލް (އެފް.އެލް.އައި.އެސް ބީ)
11. ފައިނަލް: އެފް.އެލް.އައި.އެސް (ބީ) އަދި އެފް.އެލް.އައި.އެސް (އޭ): ޖޫޒާން ޚަލީލް (އެފް.އެލް.އައި.އެސް ބީ)
މުބާރާތުގެ ފަނޑިޔާރުކަން ކުރެއްވި އަލްފާޟިލް މުހައްމަދު ނަޝީދު ވަނީ ނިންމުމުގެ ރަސްމިއްޔާތުގައި މުބާރާތުގެ ބައިވެރިންނަށް އަގުހުރި ނަސޭހަތްތަކެއް ދެއްވާފައެވެ. އޭނާ ވިދާޅުވީ ބަހުސް މުބާރާތަށް ފަރިތަކުރުން ވަރަށް މުހިންމު ކަމަށާއި ބަހުސް ކުރުމާއި ވާހަކަ ދެއްކުމަކީ ތަފާތު ދެކަމެއް ކަމާއި ތަފާތު އުސްލޫބުތައް ދަސްކުރުމަށްވެސް ވަނީ ނަސޭހަތްތެރިވެފައެވެ.
ރަސްމިއްޔާތުގައި މުޅި މުބާރާތުގެ އެންމެ މޮޅު ފަސް ބަހުސްކުރުންތެރިން ހޮވައި ބަހުސްކުރުންތެރިންނަށްވަނީ ތަށްޓާއެކު ހަނދާނީ ލިޔުން ހަވާލުކޮށްފައެވެ. މި ހަނދާނީ ލިޔުންތައް ޙަވާލުކޮށްދެއްވީ އެމް.އެން.ޔޫގެ ޑީން އޮފް ސްޓޫޑެންޓްސް އަލްފާޟިލާ ނާދިޔާ އަޙްމަދެވެ.
މިގޮތުން މުބާރާތުގެ އެންމެ މޮޅު ފަސް ބަހުސްކުރުންތެރިންނަކީ:
1. ފާތިމަތު މާސާ (އެމް.އެން.ޔޫ.ބީ.އެސް)
2. އަހްމަދު ތާއިލް (އެފް.އެލް.އައި.އެސް)
3. މުހައްމަދު ރާއިދް ސައީދް (އެފް.އޭ)
4. އައިޝަތު ޒަހާ (އެފް.އެލް.އައި.އެސް)
5. ޖޫޒާން ޚަލީލް (އެފް.އެލް.އައި.އެސް)
މީގެ އިތުރުން ރަސްމިއްޔާތުގައި އެމް.އެން.ޔޫ.އެސް.ޔޫ ގެ ކުރީގެ ރައީސް، އަލް ޢުސްތާޛް އަލީ ރަޝީދު ވާހަކަފުޅު ދައްކަވަމުން ވިދާޅުވީ ވާހަކަ ދެއްކުމުގެ ހުނަރަކީ ވަރަށް މުހިންމު ހުނަރެއްކަމަށާއި، ހުސްވަގުތުތަކުގައި ލިބިފައި ހުރި އިލްމަކުން ހުށަހަޅާލާ ހުށަހަޅާލުމުގެ ސަބަބުން މީހުންގެ ހިތްތަކަށް ކުރުވާ އަސަރާއި އޯޑިއެންސްގެ ސަމާލުކަން ހޯދާ ހޯދުމަކީ ވާހަކަ ދެއްކުންތެރިންނަށް ލިބިފައިވާ އެންމެ މުހިންމު ހަތިޔާރުކަމަށާއި އޭގެ ބޭނުން ވަރަށް ރަނގަޅުގޮތުގައި ހިފަންޖެހޭނެކަމަށެވެ. ހަމަ އެއާއެކު ހިޔާލުފާޅުކުރުމުގެ ސިފަ ރަނގަޅުގޮތުގައި ބޭނުން ކުރަން ދަސްކުރުމަކީވެސް ވަރަށް މުހިންމުކަމެއްކަމަށް އަލީ ރަޝީދު ފާހަގަ ކުރެއްވިއެވެ.
މި ރަސްމިއްޔާތުގައި އެމް.އެން.ޔޫ.އެސް.ޔޫގެ ފަރާތުން ވާހަކަ ދައްކަވަމުން ނައިބު ރައީސް (ގޮފިތައް) ޢަލީ ޝަމްޢޫން ވަނީ މުބާރާތުގައި އެކި ގޮތްގޮތުން ޔޫނިއަންއަށް އެހީތެރިވި ފަރާތްތަކަށް ޝުކުރު އަދާކޮށްފައެވެ.
މިގޮތުން، މުޅި މުބާރާތް ހިންގުމުގައި އިސް ދައުރެއް އަދާކުރެއްވި އެމް.އެން.ޔޫ.އެސް.ޔޫގެ އެޑްވައިޒަރީ ބޯޑުގެ މެންބަރ އަލްފާޟިލް ޢަލީ ޢަމީރުގެ އިތުރުން، ގޮފިތަކުގެ ހިންގާ ކޮމިޓީ މެންބަރުންނާއި، އެމް.އެން.ޔޫގެ މެނޭޖްމަންޓްގެ އިތުރުން، ލީޑަރސް ގްރޫޕަށް އަލަށް ގުޅުނު ދަރިވަރުން ފާހަގަކޮށްލެވެއެވެ.
ލިޔުނީ: ޝަމާ މުޙައްމަދު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
