އެމްއެންޔޫ.އެސްޔޫ ފުޓްސަލް ފިއެސްޓާ 2019 ގެ ޓައިޓަލް ސްޕޮންސަރަކަށް މާލޭ ވޯޓަރ އެންޑު ސެވެރެޖު ކޮމްޕެނީ ( MWSC ) ހަމަޖައްސައިފިއެވެ.
2013 ވަނަ އަހަރުން ފެށިގެން އެމްއެންޔޫ.އެސްޔޫ އިން ބާއްވަމުން އަންނަ ފުޓްސެލް މުބާރާތަކީ ރާއްޖޭގެ މަތީ ތަޢުލީމް ހާސިލް ކުރަމުންދާ ދަރިވަރުންގެ މެދުގައި ބޭއްވޭ އެންމެ ބޮޑު ކުޅިވަރު މުބާރާތެވެ. މިއީ މި މުބާރާތުގެ 7 ވަނަ ސިލްސިލާއެވެ.
މި އަހަރުގެ މުބާރާތުގައި ފިރިހެން ޑިވިޝަނުގައި 15 އަދި އަންހެން ޑިވިޝަނުގައި 12 ޓީމް ވާދަކުރާނެއެވެ. މުބާރާތް ފެށޭނީ 12 ސެޕްޓެމްބަރުވާ ބުރާސްފަތި ދުވަހު އެކުވެނި ވެލި ދަނޑުގައެވެ.
މި މުބާރާތުގެ މައިގަނޑު މަޤްސަދަކީ ދަރިވެރިންގެ މެދުގައި ކުޅިވަރުގެ ރޫހު ދިރުވާ ކުދިންގެ މެދުގައި ރަނގަޅު މާޙައުލެއް އުފެއްދުމެވެ.
އެމް.ޑަބްލިއު.އެސް.ސީ އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2019ގެ ޓައިޓްލް ސްޕޮންސަރ އަކީ މާލޭ ވޯޓަރ އެންޑް ސްވަރޭޖް ކޮމްޕެނީ (އެމް.ޑަބްލިއު.އެސް.ސީ) އެވެ. މި މުބާރާތުގެ ޕްރިންޓިންގ ޕާޓްނަރ އަކީ އެމް 7 އެވެ. އަދި ސްޕޮންސަރުންނަކީ ދިރާގު އަދި ވިޒިޓް ލާމް އެވެ. މީޑިއާ ޕާޓްނާރ އަކީ ޕީ.އެސް.އެމް ސްޕޯޓްސް އެވެ.
އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަކީ ދިވެހިރާއްޖޭގެ މަތީ ޘާނަވީ ދާއިރާގައި ބޭއްވޭ އެންމެ ބޮޑު ކުޅިވަރު ޙަރަކާތެވެ. މި މުބާރާތް ރާވާ އިންތިޒާމު ކުރަނީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)އިންނެވެ. މި އަހަރު މި ބޭއްވެނީ މި މުބާރާތުގެ 7 ވަނަ މުބާރާތެވެ. 2013ން ފެށިގެން މެދުކެނޑުމެއްނެތި މި މުބާރާތް ބާއްވާފައިވާއިރު، މި މުބާރާތް ހުޅުވާލެވިފައިވަނީ އެމް.އެން.ޔޫގެ ފެކަލްޓީތަކާއި ދިވެހިރާއްޖޭގެ އެހެނިހެން ކޮލެޖުތަކަށެވެ. މުބާރާތުގައި ފިރިހެން އަދި އަންހެން ޑިވިޜަން ހިމެނޭއިރު، އަންހެން ޑިވިޜަން އެންމެ ފުރަތަމަ ހިމެނުނީ 2018 ވަނަ އަހަރުގައެވެ.
