އެމް.އެން.ޔޫ ބިޒްނަސް ސްކޫލުގެ ކުރިމަތިލުން އެމް.ބީ.އެސްއިން ކާމިޔާބުކޮށްފިއެވެ.
މި މުބާރާތުގައި އެކި ކޮލެޖު ޔުނިވާރސިޓީތަކުން ޖުމްލަ 27 ޓީމު ކުޅެން ހަމަޖެހިފައިވާއިރު، ފިރިހެން ޑިވިޝަނުގެ 15 ޓީމާއި އަންހެން ޑިވިޝަނުގެ 12 ޓީމު ވަނީ މިފަހަރުގެ މުބާރާތުގައި ބައިވެރިވެފައެވެ.
އެގޮތުން މުބާރާތުގެ ފަސްވަނަ މެޗުގައި ވާދަ ކުރީ އަންހެން ޑިވިޝަނުގެ އެމް.އެން.ޔޫ.ބީ.އެސްގެ ޓީމާއި އެމް.އައި ކޮލެޖެވެ. 1-4 ގެ ނަތީޖާއަކުން މެޗު ކާމިޔާބުކުރީ އެމް.އައި ކޮލެޖެވެ. މިމެޗުގެ އެންމެ މޮޅު ކުޅުންތެރިޔާގެ މަގާމް ހާޞިލް ކޮށްފައިވަނީ އެމް.އައި ކޮލެޖްގެ ޖާރޒީ ނަމްބަރު 6، އާމިނަތު ޝާމިލާއެވެ.
މުބާރާތުގެ ހަވަނަ މެޗުގައި ފެކަލްޓީ އޮފް އެޑިއުކޭޝަން (އެފް.އީ) އަދި ވިލާ ކޮލެޖް ވާދަކުރިއިރު، 1-4 ގެ ނަތީޖާއަކުން މެޗު ކާމިޔާބުކުރީ ވިލާ ކޮލެޖެވެ. ހަތަރު ގޯލުޖަހައި މެޗުގެ އެންމެ މޮޅު ކުޅުންތެރިޔާގެ މަގާމް ހާޞިލުކުރީ ވިލާ ކޮލެޖްގެ ޖާރޒީ ނަމްބަރު7، އައިޝަތު އީމާން އަހުމަދް ޒައީމެވެ.
މުބާރާތުގެ ހަތްވަނަ މެޗުގައި ވާދަކުރީ ފިރިހެން ޑިވިޝަނުގެ ޓީމުތަކުގެތެރެއިން އެވިޑް ކޮލެޖާއި ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް)އެވެ. 9-0ގެ ނަތީޖާއަކުން ވިލާ ކޮލެޖުން މެޗު ކާމިޔާބު ކޮށްފައިވާއިރު މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ވިލާ ކޮލެޖުގެ ޖާރޒީ ނަމްބަރު 9، ރިހާމް އަބްދުލް ޣަނީއެވެ.
މިރޭގެ އެންމެފަހު މެޗުގައި ބައްދަލުކުރީ އެމް.އެން.ޔޫ.ބީ.އެސް އާއި އެމް.ބީ.އެސްއެވެ. 1-2 އިން އެމް.އެން.ޔޫ.ބީއެސްގެ މައްޗަށް ކުރި ހޯދީ އެމް.ބީ.އެސްއެވެ. އަދި މިމެޗުގެ ”މޭން އޮފްދަ މެޗް“ ހާޞިލުކުރީ އެމް.ބީ.އެސްގެ ކުޅުންތެރިޔާ ޖާރޒީ ނަމްބަރު 12، އަލީ ޝިޔާހެވެ.
އެމް.ޑަބްލިއު.އެސް.ސީ އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2019ގެ ޓައިޓްލް ސްޕޮންސަރ އަކީ މާލޭ ވޯޓަރ އެންޑް ސްވަރޭޖް ކޮމްޕެނީ (އެމް.ޑަބްލިއު.އެސް.ސީ) އެވެ. މި މުބާރާތުގެ ޕްރިންޓިންގ ޕާޓްނަރ އަކީ އެމް 7 އެވެ. އަދި ސްޕޮންސަރުންނަކީ ދިރާގު އަދި ވިޒިޓް ލާމް އެވެ. މީޑިއާ ޕާޓްނާރ އަކީ ޕީ.އެސް.އެމް ސްޕޯޓްސް އެވެ.
އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަކީ ދިވެހިރާއްޖޭގެ މަތީ ޘާނަވީ ދާއިރާގައި ބޭއްވޭ އެންމެ ބޮޑު ކުޅިވަރު ޙަރަކާތެވެ. މި މުބާރާތް ރާވާ އިންތިޒާމު ކުރަނީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)އިންނެވެ. މި އަހަރު މި ބޭއްވެނީ މި މުބާރާތުގެ 7 ވަނަ މުބާރާތެވެ. 2013ން ފެށިގެން މެދުކެނޑުމެއްނެތި މި މުބާރާތް ބާއްވާފައިވާއިރު، މި މުބާރާތް ހުޅުވާލެވިފައިވަނީ އެމް.އެން.ޔޫގެ ފެކަލްޓީތަކާއި ދިވެހިރާއްޖޭގެ އެހެނިހެން ކޮލެޖުތަކަށެވެ. މުބާރާތުގައި ފިރިހެން އަދި އަންހެން ޑިވިޝަން ހިމެނޭއިރު، އަންހެން ޑިވިޝަން އެންމެ ފުރަތަމަ ހިމެނުނީ 2018 ވަނަ އަހަރުގައެވެ.
ލިޔުނީ: ޝަމާ މުޙައްމަދު
މީޑިއާ ކޯޑިނޭޓަރ
އެމް.އެން.ޔޫ.އެސް.ޔޫ
