އެމް.އެން.ޔޫ.އެސް.ޔޫ އިންޓަރ ފެކަލްޓީ ނެޓްބޯޅަ މުބާރާތް 2019ގެ ގުރުއަތުލުމުގެ ރަސްމިއްޔާތު ބާއްވައިފިއެވެ.
އެމް.އެން.ޔޫ.އެސް.ޔޫގެ ހިންގާ ކޮމެޓީގެ މެމްބަރުންނާއި، ޓީމުތަކުގެ މެނޭޖަރުންނާއި އޮފިޝަލުންނާއި، އެޑްވައިޒަރީ ބޯރޑް މެމްބަރުންގެ އިތުރުން މުބާރާތުގެ އަމްޕަޔަރުން ބައިވެރިވި މިރަސްމިއްޔާތު ބޭއްވީ އެމް.އެން.ޔޫގެ ސީ.އޭ އޮޑިޓޯރިއަމްގައެވެ.
މިމުބާރާތުގެ އިންތިޒާމް ކޮމެޓީއެއް އެކުލަވާލާފައި ވާއިރު މި ކޮމެޓީގައި ހިމެނެނީ ޖުމްލަ 10 މެމްބަރުންނެވެ.
އެއީ:
ހުސައިން އަލީ (އިންތިޒާމް ކޮމިޓީ ރައީސް) – އެމް.އެން.ޔޫ.އެސް.ޔޫގެ އެޑްވައިޒަރީ ބޯޑުގެ މެންބަރ
މުހައްމަދު ޝާން ޢާމިރު (އިންތިޒާމް ކޮމިޓީގެ ނައިބު ރައީސް) – އެމް.އެން.ޔޫ.އެސް.ޔޫގެ ރައީސް
އަރުޝަދު އަޝްރަފް – އެމް.އެން.ޔޫ.އެސް.ޔޫގެ އެޑްވައިޒަރީ ބޯޑުގެ މެންބަރ
އާދަމް ރުޝްދީ – އެމް.އެން.ޔޫ.އެސް.ޔޫގެ ނައިބު ރައީސް (ޢިލްމީ)
ހަސަން ޝާހު – އެމް.އެން.ޔޫ.އެސް.ޔޫގެ ނައިބު ރައީސް (އަމަލީ)
އަލީ ޝަމްޢޫން – އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް)
ޢަބްދުﷲ ޝަހުނީޒް – އެމް.އެން.ޔޫ.އެސް.ޔޫގެ ޚަޒާންދާރު
އާމިނަތު ޝަމާ މުޙައްމަދު – އެމް.އެން.ޔޫ.އެސް.ޔޫގެ މީޑިއާ ކޯޑިނޭޓަރ
ޝުޢައިބު މުހައްމަދު އިޤްބާލް – އެމް.އެން.ޔޫ.އެސް.ޔޫގެ ރަސްމީ ފޮޓޯގްރާފަރ
މުޙައްމަދު އަހުނަފް – އެމް.އެން.ޔޫ.އެސް.ޔޫގެ މީޑިއާ ޓީމް މެމްބަރ
މިރަސްމިއްޔާތުގައި ނެޓްބޯޅަ އެސޯސިއޭޝަންގެ އަމްޕަޔަރު ބުންޔާމިން ޔޫސުފް ވަނީ މެޗުގެ ޤަވާއިދުތަކާއި މެޗުގައި ސަމާލުކަން ދޭންޖެހޭ ކަންތައްތައް ޓީމުތަކުގެ މެނޭޖަރުންނާއި ކުޅުންތެރިންނަށް އޮޅުންފިލުވައިދެއްވައިފައެވެ.
މިރަސްމިއްޔާތުގައި އެމް.އެން.ޔޫ.އެސް.ޔޫގެ ރައީސް މުޙައްމަދު ޝާން ޢާމިރު ވަނީ މުބާރާތް ކުރިޔަށްދާނެގޮތާއި މުބާރާތުގެ ޤަވާއިދުތައް ޓީމުތަކުގެ މެނޭޖަރުންނަށް ހިއްސާކުރައްވާފައެވެ.
ހަމައެކަނި އަންހެން ޑިވިޝަނަށް ހާއްސަކޮށްގެން ކުރިޔަށް ގެންދަން ހަމަޖެހިފައިވާ މިމުބާރާތުގައި ޖުމްލަ 10 ފެކަލްޓީއެއް ވަނީ ބައިވެރިވަފެއެވެ. މުބާރާތުގައި 10 ޓީމު ވާދަކުރާއިރު މިޓީމުތައް ވަނީ 3 ގްރޫޕަކަށް ބަހާލެވިފައެވެ.
ގްރޫޕް އޭ:
ސްކޫލް އޮފް ނާރސިންގް
ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ
ފެކަލްޓީ އޮފް އާރޓްސް
ސެންޓަރ ފޯ ފައުންޑޭޝަން ސްޓަޑީޒް
ގްރޫޕް ބީ:
ފެކަލްޓީ އޮފް ހެލްތު ސައިންސަސް
ފެކަލްޓީ އޮފް އެޑިއުކޭޝަން
އެމް.އެން.ޔޫ ބިޒްނަސް ސްކޫލް
ގްރޫޕް ސީ:
ސްކޫލް އޮފް މެޑިސިން
ފެކަލްޓީ އޮފް ލޯ އެންޑް އިސްލާމިކް ސްޓަޑީޒް
ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް
މިރަސްމިއްޔާތުގައި އެމް.އެން.ޔޫ.އެސް.ޔޫ އެޑްވައިޒަރީ ބޯޑް މެމްބަރ އަރުޝަދު އަޝްރަފް ވަނީ ބައިވެރިވި ޓީމުތަކަށް މަރުހަބާ ދަންނަވައި ހުރިހާ ޓީމުތަކުންވެސް އަޙްލާގީ މިންގަނޑުތައް ހިފެހެއްޓުމަށް ނަސޭހަތްތެރިވެލައްވާފައެވެ. މީގެ އިތުރުން ވާހަކަފުޅު ދައްކަވަމުން އަރުޝަދު ވަނީ ކޮންމެ ޓީމެއްވެސް އެއްޓީމު އަނެއް ޓީމަށް އިޙްތިރާމުކުރުމަށް ގޮވާލައި، ސަޕޯޓަރުން ސަޕޯޓު ކުރުމުގެ ރޫހާއި ޚިލާފު ނުވާގޮތައް ޢަމަލުތައް ބެހެއްޓުމަށް އެދިލައްވާފައެވެ. އިތުރަށް ވާހަކަފުޅު ދައްކަވަމުން އަރުޝަދު ވަނީ އެމް.އެން.ޔޫ.އެސް.ޔޫއާއި ނެޓްބޯޅަ އެސޯސިއޭޝަން ގުޅިގެން ”އިންޑޯރ“ ނެޓު ބޯޅަ މުބާރާތެއް ބޭއްވުމަށް މަޝްވަރާކުރެވެމުންދާކަމުގެ އުފާވެރި ޚަބަރު ދަރިވަރުންނަށް ދެއްވާފައެވެ.
މުބާރާތުގެ ފުރަތަމަ ދުވަހުގެ މެޗުތައް ފަށަން ހަމަޖެހިފައިވަނީ 18 އޮކްޓޯބަރ ވާ ހުކުރު ދުވަހުގެ ހެނދުނު 7:00ގައެވެ. އެގޮތުން މުބާރާތުގެ ފުރަތަމަ މެޗުގައި ބައްދަލުކުރާނީ ފެކަލްޓީ އޮފް ހެލްތު ސައިންސަސް އަދި ފެކަލްޓީ އޮފް އެޑިއުކޭޝަންއެވެ.
އެމް.އެން.ޔޫ.އެސް.ޔޫ އިންޓަރ ފެކަލްޓީ ނެޓްބޯޅަ މުބާރާތް 2019 އަކީ އެމް.އެން.ޔޫ.އެސް.ޔޫގެ ފަރާތުން ބާއްވާ މިފަދަ ތިންވަނަ މުބާރާތެވެ. މިގޮތުން ފުރަތަމަ މުބާރާތް ބޭއްވުނީ 2015ގައި ކަމަށްވާއިރު، އެ އަހަރުގެ ތަށި އުފުލާލީ އެމް.އެން.ޔޫ ބިޒްނަސް ސްކޫލުންނެވެ. 2016 ވަނަ އަހަރު ބޭއްވުނު 2 ވަނަ މުބާރާތުގެ ޗެމްޕިއަންކަން ފެކަލްޓީ އޮފް ލޯ އެންޑް އިސްލާމިކް ސްޓަޑީޒް އިން ހޯދިއިރު، 2017 އަދި 2018ވަނަ އަހަރު މި މުބާރާތް ބާއްވާފައެއް ނުވެއެވެ. މި މުބާރާތަކީ އެމް.އެން.ޔޫގެ ފެކަލްޓީ/ސެންޓަރތަކަށް ހުޅުވާލައިގެން ބާއްވާ މުބާރާތަކަށްވާއިރު، މި މުބާރާތުގައި ޖުމްލަ 10 ޓީމު މިފަހަރު ވާދަކުރެއެވެ. މި 10 ޓީމާއެކު، އެމް.އެން.ޔޫ.އެސް.ޔޫގެ ގޮފި އުފެދިފައިވާ ހުރިހާ ފެކަލްޓީ/ސެންޓަރތަކެއް މި މުބާރާތުގައި ތަމްސީލުކުރާއިރު، މި މުބާރާތްވެގެންދާނީ ތާރީޚީ މުބާރާތަކަށެވެ.
ލިޔުނީ: އާމިނަތު ޝަމާ މުހައްމަދު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
