އެމް.އެން.ޔޫ.އެސް.ޔޫ އިންޓަރ ފެކަލްޓީ ނެޓްބޯޅަ މުބާރާތް 2019 ގެ ސެމީ ފައިނަލަށް އެމް.އެން.ޔޫ ބިޒްނަސް ސްކޫލް އަދި ސްކޫލް އޮފް ނާރސިންގ ދަތުރުކޮށްފިއެވެ.
ވާދަވެރި ކުޅުމެއް ފެނިގެންދިޔަ ރޭގެ ކުއާޓަރ ފައިނަލް މެޗުތަކުގައި އެމް.އެން.ޔޫ ބީ.އެސް އަދި އެސް.އެންއިން ވަނީ ސެމީ ފައިނަލުގެ ޖާގަ ހޯދުމަށް މޮޅު ކުޅުމެއް ދައްކައިފައެވެ.
އެމް.އެން.ޔޫ ބީ.އެސް އިން މުބާރާތުގެ ފައިނަލުގެ ޖާގަ ހޯދީ ކުއާޓަރ ފައިނަލުގައި ކުޅުނު ފުރަތަމަ މެޗުގައި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް އާ ވާދަކޮށް 44-06 ޕޮއިންޓްގެ ބޮޑު ތަފާތަކުން މޮޅު ވެގެންނެވެ. މިމެޗުގެ އެންމެ މޮޅު ކުޅުންތެރިއަކަށް ހޮވުނީ އެމް.އެން.ޔޫ ބީ.އެސްގެ އައިޝަތު ސަލީމާއެވެ.
ކުއާޓަރ ފައިނަލުގެ ތިންވަނަ މެޗުގައި ސްކޫލް އޮފް ނާރސިންގ އިން ހޯދި މޮޅާއެކު އެ ޓީމު ސެމީ ފައިނަލަށް ދަތުރުކުރީ 31-04 ޕޮއިންޓްއިން ފެކަލްޓީ އޮފް އެޑިއުކޭޝަނުގެ މައްޗަށް ކުރި ހޯދައިގެންނެވެ. މިމެޗުގެ އެންމެ މޮޅު ކުޅުންތެރިއަކަށް ހޮވުނީ އެސް.އެން ގެ އާމިނަތު ފިރުޝާއެވެ.
22 އޮކްޓޯބަރ ވާ އަންގާރަ ދުވަހުގެ ރޭ ކުޅެން ހަމަޖެހިފައިވާ އެމް.އެން.ޔޫ.އެސް.ޔޫ އިންޓަރ ފެކަލްޓީ ނެޓްބޯޅަ މުބާރާތް 2019ގެ ސެމީ ފައިނަލުގައި އެމް.އެން.ޔޫ ބީ.އެސް އަދި އެސް.އެން ބައްދަލުކުރާނީ ސެމީ ފައިނަލުގެ ފުރަތަމަ މެޗުގައެވެ.
މިހާތަނަށް ކުޅުނު ހުރިހާ މެޗަކުން މޮޅުވެފައިވާ އެމް.އެން.ޔޫ ބީ.އެސް އަދި އެސް.އެން ގެ ކުރިމަތިލުން ވެގެންދާނީ ފޯރިގަދަ ކުރިމަތިލުމަކަށެވެ.
އެމް.އެން.ޔޫ.އެސް.ޔޫ އިންޓަރ ފެކަލްޓީ ނެޓްބޯޅަ މުބާރާތް 2019 އަކީ އެމް.އެން.ޔޫ.އެސް.ޔޫގެ ފަރާތުން ބާއްވާ މިފަދަ ތިންވަނަ މުބާރާތެވެ. މިގޮތުން ފުރަތަމަ މުބާރާތް ބޭއްވުނީ 2015ގައި ކަމަށްވާއިރު، އެ އަހަރުގެ ތަށި އުފުލާލީ އެމް.އެން.ޔޫ ބިޒްނަސް ސްކޫލުންނެވެ. 2016 ވަނަ އަހަރު ބޭއްވުނު 2 ވަނަ މުބާރާތުގެ ޗެމްޕިއަންކަން ފެކަލްޓީ އޮފް ލޯ އެންޑް އިސްލާމިކް ސްޓަޑީޒް އިން ހޯދިއިރު، 2017 އަދި 2018ވަނަ އަހަރު މި މުބާރާތް ބާއްވާފައެއް ނުވެއެވެ. މި މުބާރާތަކީ އެމް.އެން.ޔޫގެ ފެކަލްޓީ/ސެންޓަރތަކަށް ހުޅުވާލައިގެން ބާއްވާ މުބާރާތަކަށްވާއިރު، މި މުބާރާތުގައި ޖުމްލަ 10 ޓީމު މިފަހަރު ވާދަކުރެއެވެ. މި 10 ޓީމާއެކު، އެމް.އެން.ޔޫ.އެސް.ޔޫގެ ގޮފި އުފެދިފައިވާ ހުރިހާ ފެކަލްޓީ/ސެންޓަރތަކެއް މި މުބާރާތުގައި ތަމްސީލުކުރާއިރު، މި މުބާރާތްވެގެންދާނީ ތާރީޚީ މުބާރާތަކަށެވެ.
ލިޔުނީ: އާމިނަތު ޝަމާ މުހައްމަދު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
