މިދިޔަ 28 ނޮވެންބަރު 2019 ވީ ބުރާސްފަތި ދުވަހުގެރޭ ބޭއްވުނު ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ 8 ވަނަ ދައުރުގެ ހިންގާ ކޮމިޓީ އިފްތިތާޙުކުރުމުގެ ޙަފްލާގައި، އެމް.އެން.ޔޫ.އެސް.ޔޫ އިން އަރުވާ އެންމެ މަތީ ޝަރަފްކަމުގައިވާ ”އެމް.އެން.ޔޫ ދަރިވަރުންގެ ޔޫނިއަންގެ ޝަރަފްވެރިކަމާއި ޢިއްޒަތްތެރިކަމުގެ ނިޝާންގެ ވެރިޔާ“ ގެ ލަޤަބު 1 ފަރާތަކަށް އަރުވާފައެވެ.
މި ލަޤަބު މިފަހަރު އެރުވިފައިވަނީ އެމް.އެން.ޔޫގެ ކުރީގެ ދަރިވަރު އަދި އެމް.އެން.ޔޫ.އެސް.ޔޫގެ އިސްވާރު ޅ. އޮޅުވެލިފުށީ ފިޔާތޮށިގޭ އަލްފާޟިލް ޢަލީ ރިޔާޟަށެވެ.
މި ލަޤަބު އަރުވާފައިވަނީ އެމް.އެން.ޔު.އެސް.ޔޫގެ 7 ވަނަ ދައުރުގެ ރައީސް މުޙައްމަދު ޝާން އާމިރެވެ.
މި ޝަރަފަކީ ވޭތުވެދިޔަ 2018 ވަނަ އަހަރު ތަޢާރަފް ކުރެވިފައިވާ ލަޤަބެކެވެ. އަދި މިއީ ދިވެހިރާއްޖޭގެ ޤައުމީ ޔުނިވާސިޓީގެ ދަރިވަރުންގެ ޔޫނިއަންއަށް ތަފާތު އެކި ރޮނގު ރޮނގުން ދެމިހުންނަނިވި ގޮތުގައި ގިނަ ޚިދުމަތްތަކެއް ކުރައްވާފައިވާ އަދި މިހާރުވެސް ކުރައްވަމުން އަންނަ ފަރާތްތަކަށް އެކަމުގެ އަގުވަޒަންކޮށް އެރުވޭ ޝަރަފުގެ މަޤާމެކެވެ. ހަމައެހެންމެ މިއީ އެމް.އެން.ޔޫ ދަރިވަރުންގެ ޔޫނިއަންގެ ފަރާތުން އެރުވޭ އެންމެ މަތީ ޝަރަފެވެ.
ލިޔުނީ: މުޙައްމަދު އަޙުނަފް،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
