ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 2 ވަނަ އަށް އެންމެ މަތީ ޝަރަފުކަމަށްވާ “ މަރުހޫމް އަޙްމަދު ޢަބްދުﷲ ނަޞީރުގެ ހަނދާނުގައި ދެވޭ ދަރިވަރުންގެ ޔޫނިއަންގެ ޝަރަފްވެރިކަމުގެ އިނާމު“ 14 ފަރާތަކަށް ދީފިއެވެ.
މި އިނާމުތައް ދީފައި ވަނީ އެމް.އެން.ޔު.އެސް.ޔޫގެ 8 ވަނަ ދައުރުގެ ހިންގާ ކޮމިޓީ އިފްތިތާހުކުރުމަށް 2019 ވަނަ އަހަރުގެ 28ވީ ބުރާސްފަތިދުވަހުގެ ރޭ ސެންޓަރ ފޯރ ފައުންޑޭޝަން ސްޓަޑީސް (ސީ.އެފް.އެސް) އޮޑިޓޯރިއަމްގައި ބޭއްވި ޙަފްލާގައެވެ. ި އިނާމު އެމް.އެން،ޔޫ.އެސް.ޔޫގެ ފަރާތުން ހަވާލުކޮށްދީފައިވަނީ އަލްމަރްޙޫމް އަޙްމަދު ޢަބްދުﷲ ނަޞީރުގެ ބޭބެ އަލްފާޟިލް މުޙައްމަދު ޢަބްދުﷲ ނަޞީރާއި އެމްއެން.ޔޫ.އެސް.ޔޫގެ 7 ވަނަ ދައުރުގެ ރައީސް މުޙައްމަދު ޝާން އާމިރެވެ.
މި ޙަފްލާގައި އިނާމު ލިބުނު ފަރާތްތަކަކީ:
- އެމް.އެން.ޔޫ.އެސް.ޔޫ ގެ ކުރީގެ މިޑިއާ ކޯޑިނޭޓަރ – އަލްފާޟިލް އަޙްމަދު ސުހާން ފ. ފީއަލި / ނިއުފްރޭންޑް
- އެމް.އެން.ޔޫގެ ހެޑް އޮފް ފެސިލިޓީސް މެނޭޖްމަންޓް – އަލްފާޟިލް މުޙައްމަދު ޒާހިރު ސީސަންގެ / ގއ. ދާންދޫ
- އެމް.އެން.ޔޫ މަޖްދުއްދީން ދަނާލުގެ މުދީރު – އަލްފާޟިލް މުހަންމަދު ނިޒާރު ގ.އޮއްޓަރު / ކ.މާލެ
- އެމް.އެން.ޔޫ ފެސިލިޓީސް މެނޭޖްމަންޓްގެ މުވައްޒިފް – އަލްފާޟިލް އިބްރާހިމް އިސްމާއިލް މަގުމަތީގެ / ޅ.ކުރެންދޫ
- އެމް.އެން.ޔޫ ފެސިލިޓީސް މެނޭޖްމަންޓްގެ މުވައްޒިފް – އަލްފާޟިލް އަލީ މޫސާ އަސްރަފީގެ / ނ.މިލަދޫ
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (އަމަލީ) – އަލްފާޟިލް އަބްދުﷲ އަފީފް ނިވައިދޮށުގެ / ތ. ވިލުފުށި،
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (ގޮފިތައް) – އަލްފާޟިލް ޢަލީ ހުޝާމް ލޭޑީބާޑް / ރ. ކިނޮޅަސް
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (އަމަލީ) – އަލްއުސްތާޛް ޙައްމާދު ވާފިރު ނޫރަންމާގޭ / ގއ. ދާންދޫ
- އެމް.އެން.ޔޫ އައިޓީ ޑިޕާޓްމެންޓް
- އެމް.އެން.ޔޫގެ އައިޓީ ޑިޕާޓްމެންޓްގެ މުވައްޒަފު – އަލްފާޟިލް ހަސަން މަލާޒް ބުލްބުލާގޭ / ނ. މިލަދޫ
- އެމް.އެން.ޔޫގެ އައިޓީ ޑިޕާޓްމެންޓްގެ މުވައްޒަފު – އަލްފާޟިލް މުޙައްމަދު ޔާފިއު އުރަހަ / ލ. ގަން ތުނޑި
- އެމް.އެން.ޔޫ.އެސް.ޔޫގެ އިސްވާރު އަދި ވޮލީ ޓީމުގެ ކުޅުންތެރިއެއް – އަލްފާޟިލް މުޙައްމަދު ޙުސައިން ފަޒާ / ލ.ހިތަދޫ
- ވަން ޝޮޓް އިވެންޓްގެ ސީއީއޯ – ޝަރަފުލް އަމީރު ކަނީރުމާގެ / ގދ. ފަރެސްމާތޮޑާ، މާތޮޑާ އަވަށް
- އެމް.އެން.ޔޫ.އެސް.ޔޫގެ ރަސްމީ ފޮޓޯގްރާފަރ – އަލްފާޟިލް ޝުޢައިބު މުޙައްމަދު އިޤްބާލް ރާމަﷲ / ހއ.ހޯރަފުށި
މި އިނާމަކީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންއަށް ތަފާތު އެކި ރޮނގުން ގިނަ ޚިދުމަތްތަކެއް ކުރައްވާފައިވާ ފަރާތްތަކަށް އެކަމުގެ އަގުވަޒަންކޮށް އެރުވޭ ޝަރަފުގެ އިނާމެކެވެ. މި އިނާމު މީގެ ކުރިން ވަނީ ޖުމްލަ 16 ބޭފުޅަކު ޙާސިލްކުރައްވާފައެވެ.
ލިޔުނީ: މުޙައްމަދު އަޙުނަފް،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
