އެމް.އެން.ޔޫ ދަރިވަރުންގެ ޔޫނިއަންގެ 8 ވަނަ ދައުރުގެ ހިންގާ ކޮމިޓީ އިފްތިތާހު ކުރުމަށް ބޭއްވި ޙަފްލާގައި، 2019 ވަނަ އަހަރުގެ އެންމެ ހަރަކާތްތެރި ގޮފިތަކަށާއި 2019 ވަނަ އަހަރުގެ ޑީންސް އިނާމު ޙާސިލް ކޮށްފައިވާ ޑީނުންނަށް އިނާމު ހަވާލުކޮށްފިއެވެ. މި އިނާމުތައް ހަވާލުކޮށްދެއްވީ އެމް.އެން.ޔޫގެ ޑީން އޮފް ސްޓޫޑެންޓްސް އަލްފާޟިލާ ނާދިޔާ އަޙްމަދެވެ.
2019 ވަނަ އަހަރު ކުރިއެރުން ހޯދާފައިވާތީ ”އެމް.އެން.ޔޫ.އެސް.ޔޫ ވިންގްސް ޕްރޮގްރެސިވް އެވޯޑު“ 2 ގޮތްޕަކުން ޙާޞިލުކޮށްފައިވެއެވެ.
އެމް.އެން.ޔޫ.އެސް.ޔު ވިންގްސް ޕރޮގްރެސިވް އެވޯޑު ހާޞިލްކޮށްފައިވާ ގޮފިތައް:
- ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް)
- ތަރަހަ
2019 ވަަނަ އަހަރުގެ 3 ވަނަ އަށް އެންމެ ހަރަކާތްތެރި ގޮތްޕަކައް ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާ) އިން ޙާޞިލް ކޮށްފަިއވެއެވެ. އަދި 2019 ވަނަ އަހަރު 2 ވަނަ އަށް އެންމެ ޙަރަކާތްތެރި ގޮފީގެ ގޮތުގައި 2 ގޮތްޕެއް ހޮވިފައިވެއެވެ. އެ ގޮފިތަކަކީ ބިޒްނަސް ސްކޫލް ސްޓޫޑެންޓްސް އެސޯސިއޭޝަން (ބީ.އެސް.އެސް.އޭ) އަދި ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް)އެވެ.
2019 ވަނަ އަހަރުގެ އެންމެ ހަރަކާތްތެރި ގޮތްޕެއްގެ ގޮޮތުގައި ހޮވިފައިވަނީ 2018 ވަނަ އަހަރުވެސް މި އެވޯޑު ޙާޞިލުކުރި ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)އެވެ.
2019 ވަނަ އަހަރުގެ އެމް.އެން.ޔޫގެ ފެކަލްޓީ ތަކުގެ ޑީނުންގެ ތެރެއިން ”އެންމެ ހަރަކާތްތެރި ޑީން“ ފާހަގަކޮށް އެކަމުގެ އަގު ވަޒަންކޮށް އެފަރާތްތަކަށް އެމް.އެން.ޔޫ.އެސް.ޔޫ އިން ދެވޭ
”ޑީންސް އެވޯޑު“ 4 ފަރާތެއް ހާޞިލްކޮށފައިވާއިރު، މި އިނާމު ހަވާލުކޮށްދެއްވާފައިވަނީ އެމް.އެން.ޔޫގެ ޑެޕިއުޓީ ވައިސް ޗާންސެލަރ ޑރ. ޢާއިޝަތު ޝެހެނާޒް އާދަމެވެ.
ޑީންސް އެވޯޑު ޙާޞިލްކޮށްފައިވާ ފަރާތްތައް:
- ފެކަލްޓީ އޮފް އެޑިއުކޭޝަން ގެ ޑީން – އަލްފާޟިލާ މަރިޔަމް ފިޒާނާ ރަޝީދް
- އެމް.އެން.ޔޫ ބިޒްނަސް ސްކޫލްގެ ޑީން – އަލްފާޟިލް އަބްދުއް ރަޙްމާން މުބާރިޤް
- ފެކަލްޓީ އޮފް އަރޓްސްގެ ޑީން – އަލްފާޟިލް އާސިމް އަބްދުއް ސައްތާރު
- ސްކޫލް އޮފް ނާސިންގެ ޑީން – އަލްފާޟިލާ އާސިޔާ އިބްރާހިމް
ޑީންސް އިނާމަކީ، ދަރިވަރުންގެ ޔޫނިއަންއަށް ތަފާތު ގޮތްގޮތުން އެހީތެރިވެ، ދަރިވަރުންގެ ޔޫނިއަންގެ ޙަރަކާތްތަކަށް ފުރިހަމަ އެއްބާރުލުމެއް ދެއްވާފައިވާ އެމް.އެން.ޔޫގެ ފެކަލްޓީތަކުގެ ޑީނުންނަށް ދެވޭ އިނާމެކެވެ.
ލިޔުނީ: މުޙައްމަދު އަޙުނަފް،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
