ރާއްޖެ އިސްލާމްވީ ދުވަހާ ގުޅިގެން މިނިސްޓްރީ އޮފް ހޯމް އެފެއާޒް އިން އިންތިޒާމްކޮށްގެން ބޭއްވި ޖަލްސާގައި އެމް.އެން.ޔޫ.އެސް.ޔޫއިން ބައިވެރިވެއްޖެއެވެ.
2019 ނޮވެމްބަރ 30 ވީ ދުވަހުގެ ރޭ 8:15ގައި އިމާދުއްދީން ސްކޫލުގައި ބޭއްވި މި ޖަލްސާގައި އެމް.އެން.ޔޫ.އެސް.ޔޫގެ ގިނަ އަދަދެއްގެ ލީޑަރުން ވަނީ ބައިވެރިވެފައެވެ.
މި ޖަލްސާގެ ޝަރަފުވެރި މެހެމާނު ނައިބު ރައީސް އޮނަރަބަލް ފައިސަލް ނަސީމް އަދި މިނިސްޓަރ އޮފް ހޯމްއެފެއާޒް އައްޝެއިހް ޢިމްރާން އަބްދުﷲ ވަނީ ވާހަކަފުޅުދައްކަވައިފައެވެ. މި ޖަލްސާގައި ދެކެވިފައިވަނީ ރާއްޖެ އިސްލާމްވީ ގޮތާއި، ރާއްޖޭގެ ތާރީޙާއި އަދި އޭރުގެ މީހުންގެ ދިރިއުޅުން ހުންނަ ގޮތުގެ ވާހަކައެވެ.
ހަމައެއާއެކު ހޯމްމިނިސްޓްރީން 2019 ނޮވެމްބަރ 31 ވީ ދުވަހުގެ ރޭ އިސްލާމިކް މަރުކަޒުގައި ބޭއްވި ޕެނަލްޑިސްކަޝަން ގައިވެސް އެމް.އެން.ޔޫ.އެސް.ޔޫ ގެ އިސްވާރުން ވަނީ ބައިވެރިވެފައެވެ.
މި ޕެނަލް ޑިސްކަޝަންގައި ވާހަކަ ދެކެވިފައި ވަނީ ރާއްޖެ އިސްލާމްވީ ގޮތުގެ ވާހަކައާއި، މިހާރު ރާއްޖޭގެ މުޖްތަމައުގައި އިސްލާމްދީނާމެދު ހުރި ގޮންޖެހުންތަކުގެ ވާހަކައެވެ. މި ޑިސްކަޝަންގައި އެމް.އެން.ޔޫ.އެސް.ޔޫ އިން ބައިވެރި މަޤްސަދަކީ ދަރިވަރުންގެ ހިތްތަކުގައި ދީނީ ލޯބި ޖައްސައި، ހިތުގައި އުފެދޭ ދީނީ ސުވާލުތައް އޮޅުންފިލުވުމެވެ.
އެމް.އެން.އެސް.ޔޫ.ގެ ދަސްވާރުން އަންނަނީ މިނިސްޓްރީތަކާއި ޖަމާއަތް ތަކުން ބާއްވަމުންގެންދާ މިފަދަ ޕެނަލް ޑިސްކަޝަންތަކުގައި ބައިވެރިވަމުންނެވެ.
ލިޔުނީ: މައިސަރާ ޢަބްދުލް ސައްތާރު
އެސިސްޓެންޓް ސެކްރެޓަރީ، އެމް.އެން.ޔޫ.އެސް.ޔޫ
