2019 ވަނަ އަހަރުގެ ދިވެހިންގެ އެއްބައިވަންތަކަމުގެ ދުވަހުގެ ރަސްމީ ޖަލްސާގައި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން އިން ބައިވެރިވެއްޖެއެވެ.
2019ވަނަ
އަހަރު ދިވެހިންގެ އެއްބައިވަންތަކަމުގެ ދުވަހުގެ ރަސްމީ ޖަލްސާ ތ.ވިލުފުށީގައި
ބާއްވާފައިވާއިރު، މިޖަލްސާގައި އެމް.އެން.ޔޫ.އެސް.ޔޫގެ ބައެއް އިސްވާރުން
ބައިވެރިވެފައިވެއެވެ. މި ޖަލްސާ ބޭއްވިފައިވަނީ 2019 ޑިސެންބަރު 26 ވަނަ ދުވަހު
ތ. ވިލުފުށީގައެވެ. އަދި މިޖަލްސާގައި ދިވެހިރާއްޖޭގެ ރައީސުލްޖުމުހޫރިއްޔާ
އިބްރާހިމް މުޙައްމަދު ސޯލިހު ވަނީ ބައިވެރިވެވަޑައިގެންފައެވެ.
26 ޑިސެންބަރަކީ ދިވެހިންގެ އެއްބައިވަންތަކަމުގެ ދުވަހުގެ ގޮތުގައި 2005 ވަނަ އަހަރުން ފެށިގެން ފާހަގަކުރަމުން އަންނަ ދުވަހެކެވެ. މިދުވަސް ދިވެހީންގެ އެއްބައިވަންތަކަމުގެ ދުވަހުގެ ގޮތުގައި ފާހަގަކުރަނީ، އެދުވަހަކީ ފަހުގެ ތާރީޚެއްގައި ދިވެހިރާއްޖެއަށް ކުރިމަތިވި އެންމެ ހިތާމަވެރި ޤުދުރަތީ ކާރިސާކަމަށްވާ ސުނާމީ ކާރިސާގައި ދިވެހީންގެ ކިބައިން ފެނިގެންދިޔަ ލާމަސީލު އެއްބައިވަންތަކަން ފާހަގަކުރުމުގެ ގޮތުންނެވެ.
މިފަދަ
ހަރަކާތްތަކުގައި ދަރިވަރުން ހަރަކާތްތެރިވުމުގެ މަގްސަދަކީ ދަރިވަރުންގެ
ހިތްތަކުގައި އޮންނަ ޤައުމީ އަދި ވަޠަނީ ލޯބި ދިރުވާ އާލާކުރުމެވެ.
އެމް.އެން.ޔޫ.އެސް.ޔޫގެ ދަރިވަރުން އަންނަނީ ޤައުމީ ފެންވަރުގައި ހިންގަމުން އަންނަ
މިފަދަ އެކިއެކި ހަރަކާތްތަކުގައި ބައިވެރި ވަމުންނެވެ.
ލިޔުނީ:އާމިނަތު ހަމީޒާ
ސެކްރެޓަރީ، އެމް.އެން.ޔޫ.އެސް.ޔޫ
