އެމް.އެން.ޔޫ.އެސް.ޔޫއިން އިންތިޒާމުކޮށްގެން ބޭއްވި ”ހޭންޑް ވޮޝިންގ އިވެންޓް“ ކާމިޔާބުކަމާއެކު ނިންމާލައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންއިން އިންތިޒާމުކޮށްގެން ބޭއްވި ”ހޭންޑް ވޮޝް އިވެންޓް“ ކާމިޔާބުކަމާއެކު ނިންމާލައިފިއެވެ.

މި ހަރަކާތަކީ މާފަންނު މަދަރުސާގެ ދަރިވަރުންނަށް ޚާއްސަކޮށްގެން ސިލްސިލާގޮތެއްގައި ބޭއްވޭ 3ވަނަ ހަރަކާތަކަށްވާއިރު، ދިވެހިރާއްޖޭގެ ޤައުމީ ޔުނިވަރސިޓީގެ ސްކޫލް އޮފް ނަރސިންގގެ ދަރިވަރުން ވަނީ އިވެންޓް ކުރިއަށް ގެންދިއުމަށް އެހީތެރިކަން ފޯރުކޮށްދީފައެވެ. މި އިވެންޓުގައި އަތް ދޮންނަންވީ ގޮތްގޮތާއި، ސާފްތާހިރުނުވުމުގެ ސަބަބުން ފެތުރޭ ބަލިތަކާއި އެކި އެކި ސިއްޙީ މައުލޫމާތުވަނީ ދަރިވަރުންނަށް ފޯރު ކޮށްދީފައެވެ.

މި ހަރަކާތް ބޭއްވިފައިވަނީ 2020ވަނަ އަހަރުގެ ޖަނަވަރީ 30 ވީ ބުރާސްފަތި ދުވަހުއެވެ. އަދި މި ހަރަކާތް ކުރިއަށްގޮސްފައިވަނީ ޖުމްލަ 3 ސެޝަނަކަށް ބަހާލައިގެނެވެ.

މިފަދަ ހަރަކާތްތައް ބޭއްވުމުގެ މައިގަނޑު ސަބަބަކީ އެމް.އެން.ޔޫ.އެސް.ޔޫގެ އިސްވާރުންނަށް ތަފާތު ކަންތައްތައް ތަޖުރިބާ ކުރުމާއި، ދިރިއުޅުމުގެ މައިދާނުގައި އެމް.އެން.ޔޫގެ ދަރިވަރުންނަކީ ހަރުދަނާ ބަޔަކަށް ހެދުމެވެ.

ލިޔުނީ: މުޙައްމަދު އަޙްނަފް
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ