މިހާރު ކުރިޔަށް މިދާ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ މާލޭ ކެމްޕަހުގެ ގޮފިތަކުގެ ހިންގާ ކޮމެޓީގެ މެންބަރުން އިންތިހާބުކުރުމަށް ބާއްވާ އިންތިހާބުގައި މިހާތަނަށް 450ށް ވުރެ ގިނަ ދަރިވަރުން ވޯޓު ލައިފިއެވެ.
ގޮފި ތަކުގެ މަގާމުތަކަށް 28 ދަރިވަރުން ވާދަ ކުރާއިރު، 6 ގޮފިން ޖުމްލަ 13 މަގާމެއް މި ވޯޓުގައި އިންތިހާބުކުރެވޭނެއެވެ.
މިހާތަނަށް ވޯޓު ލާފައިވާ ދަރިވަރުންގެ އަދަދު:
އެފް.އީ ފޮށި:69
ސީ.އެފް.އެސް ފޮށި: 95
އެފް.އެޗް.ޓީ.އެސް/ އެފް.އެލް.އައި.އެސް: 68
އެސް.އެން: 192
އެސް.އެމް: 66
އިންތިހާބުގެ ވޯޓުލުން މިރޭ 19:00އާ ހަމައަށް ކުރިޔަށް ގެންދިއުމަށް ހަމަޖެހިފައިވާއިރު،އިންތިހާބުގެ ވޯޓުގުނުން މިރޭ 20:00 ގައި ފެށުމަށް ވަނީ ހަމަޖެހިފައެވެ.
މި އިންތިހާބުގައި ވޯޓުލުމަށް ހާޒިރުވާއިރު، އެމް.އެން.ޔޫގެ ސްޓޫޑެންޓް އައިޑީ ކާޑު ހިފައިގެން ހާޒިރުވުމަށް އެމް.އެން.ޔޫ.އެސް.ޔޫއިން އިލްތިމާސް ކުރެއެވެ. އަދި ސްޓޫޑެންޓް އައިޑީ ކާޑު ނެތްނަމަ، ވޯޓަރސް ގެރެންޓީ ސްލިޕްކޮޅާއެކު ދިވެހި ރައްޔިތެއްކަން އަންގައިދޭ ކާޑު ގެނައުމަށް އެމް.އެން.ޔޫ.އެސް.ޔޫ އިން އިލްތިމާސް ކުރެއެވެ.
ލިޔުނީ: މުޙައްމަދު އަޙްނަފް
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
