އިންޓަރ ފެކަލްޓީ ވޮލީބޯޅަ މުބާރާތް 2020ގެ ގުރުއަތުލުން ބާއްވައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ފަރާތުން އިންތިޒާމުކޮށްގެން ބާއްވާ ”އިންޓަރ ފެކަލްޓީ ވޮލީބޯޅަ މުބާރާތް 2020″ގެ ގުރުއަތުލުމުގެ ރަސްމިއްޔާތު ބާއްވައިފިއެވެ.

މުބާރާތުގެ ގުރުލުން ކުރިއަށް ގޮސްފައިވަނީ 26 ފެބުރުވަރީ 2020 ގައި އެމް.އެން.ޔޫ އޭ ބްލޮކްގައެވެ. މި ހަފްލާގައި ޓީމުތަކުގެ ކެޕްޓަނުންނާއި މެނޭޖަރުންގެ އިތުރުން މުބާރާތުގެ ހިންގާ ކޮމިޓީގެ މެންބަރުން ވަނީ ބައިވެރިވެފައެވެ. މި މުބާރާތުގެ އަންހެން ޑިވިޝަނުގައި ގުމްލަ 8 ޓީމު ބައިވެރިވެފައިވާއިރު، ފިރިހެން ޑިވިޝަނުގައި ޖުމްލަ 7 ޓީމެއް ވަނީ ބައިވެރިވެފައެވެ. މުބާރާތުގެ ހިންގާ ކޮމިޓީގައި ހިމެނެނީ:

1. ޙުސައިން އަލީ (ރައީސް) – އެމް.އެން.ޔޫ.އެސް.ޔޫގެ ނައިބު ރައީސް (އަމަލީ)
2. ޙުސައިން ޒައިދު (ނައިބު ރައީސް) – އެމް.އެން.ޔޫ.އެސް.ޔޫގެ ޚަޒާންދާރު
3. ޚާލިދު މުޙައްމަދު – އެމް.އެން.ޔޫ ފިރިހެން ވޮލީ ޓީމުގެ ކޯޗު
4. ޢަލީ ޝަމްޢޫން – އެމް.އެން.ޔޫ.އެސް.ޔޫގެ ރައީސް
5. ޢަބްދުﷲ ޝަހުނީޒް – އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް)
6. މުޙައްމަދު ޝާން އާމިރު – އެމް.އެން.ޔޫ.އެސް.ޔޫގެ އެޑްވައިޒަރީ ބޯޑް މެންބަރ
7. އާމިނަތު ހަމީޒާ އަޙްމަދު – އެމް.އެން.ޔޫ.އެސް.ޔޫގެ ސެކްރެޓަރީ
8. މައިސަރާ ޢަބްދުއްސައްތާރު – އެމް.އެން.ޔޫ.އެސް.ޔޫގެ އެސިސްޓެންޓް ސެކްރެޓަރީ
9. މުޙައްމަދު އަޙްނަފް – އެމް.އެން.ޔޫ.އެސް.ޔޫގެ މީޑިއާ ކޯޑިނޭޓަރ

މި މުބާރާތުގެ ޝެޑިއުލް އެމް.އެން.ޔޫ.އެސް.ޔޫގެ ވެބްސައިޓުން މިހާރު ލިބެން ހުންނާނެއެވެ. މުބާރާތް ފެށުމަށް ހަމަޖެހިފައިވަނީ 01 މާރިޗު 2020ވާ އާދީއްތަ ދުވަހުގައެވެ. މުބާރާތުގެ ހުރިހާ މެޗެއް ކުޅުމަށް ހަމަޖެހިފައިވަނީ އެމް.އެން.ޔޫގެ ފެކަލްޓީ އޮފް އެޑިއުކޭޝަންގެ ޕީ.އީ ހޯލުގައެވެ.

ލިޔުނީ: މުޙައްމަދު އަޙްނަފް
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ