ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ފަސްވަނަ އިންޓަރ ފެކަލްޓީ ވޮލީ މުބާރާތުގެ އޮންލައިން މީޑިއާ ޕާރޓްނަރ އަކަށް ރާއްޖެ އެމްވީ ހަމަޖައްސައިފިއެވެ.
އެމް.އެން.ޔޫ.އެސް.ޔޫ އިން 2016 ވަނަ އަހަރުން ފެށިގެން ސިލްސިލާ ގޮތެއްގައި ބާއްވާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީ މުބާރާތުގެ އަންހެން ޑިވިޝަނުގައި ޖުމްލަ 8 ޓީމު ބައިވެރިވާއިރު، މި މުބާރާތުގެ ފިރިހެން ޑިވިޝަނުގައި 7 ޓީމު ބައިވެރިވާނެއެވެ.
މުބާރާތުގެ އޮންލައިން މީޑިއާ އެއްގެ ގޮތުގައި ރާއްޖެ އެމްވީ ހަމަޖެހުމާއިއެކު ރާއްޖެ އެމްވީ އިން މުބާރާތުގެ މެޗުތަކުގެ އެންމެ ފަހުގެ ހަބަރު ލިބިގެންދާނެ އެވެ.
މި މުބާރާތުގެ މެޗުތައް ކުޅުމަށް ހަމަޖެހިފައިވަނީ ދެ ގްރޫޕަކަށް ބަހައިލެވިގެންނެވެ. މި މުބާރާތް ފެށުމަށް ހަމަޖެހިފައިވަނީ މާރޗް މަހުގެ 1 ވަނަ ދުވަހުއެވެ. އަދި މުބާރާތުގެ ސެމީ އާއި ފައިނަލް ކުޅުމަށް ހަމަޖެހިފައިވަނީ މާރޗް މަހުގެ 7 ވަނަ ދުވަހު އެވެ.
މި މުބާރާތުގެ މެޗުތައް ކުޅެވިގެންދާނީ އެމް.އެން.ޔޫގެ އެފް.އީ ޕީ.އީ ހޯލު (އަމީނީ ބިލްޑިންގ)ގައެވެ. މި މުބާރާތަކީ އެމް.އެން.ޔޫ.އެސް.ޔޫ އިން ރާވާ އިންތިޒާމް ކުރާ ދެވަނަ އަށް އެންމެ ބޮޑު މުބާރާތެވެ. އެމް.އެން.ޔޫ.އެސް.ޔޫ އިން އަންނަނީ މި މުބާރާތުގެ އިތުރުން ނެޓްބޯޅަ މުބާރާތަކާއި އަހުރަ ގޮތްޕާއި ގުޅިގެން ހޭންޑް ބޯޅަ މުބާރާތެއް ވެސް ބާއްވަމުންނެވެ. މީގެ އިތުރުން އެމް.އެން.ޔޫ.އެސް.ޔޫ އިން އަންނަނީ އެޑިއުކޭޝަންގެ ހުރިހާ ކޮލެޖް ޔުނިވަރސިޓީ އަކަށް ހުޅުވައިލައިގެން ބޭއްވޭ އެންމެ ބޮޑު ފުޓްސެލް ފިއެސްޓާ ވެސް ބާއްވަމުންނެވެ.
ލިޔުނީ: އެމް.އެން.ޔޫ.އެސް.ޔޫ މީޑިއާ
