ރަނަރަޕް އެފް.އީ.އެސް.ޓީ ބަލިކޮށް އެމް.އެން.ޔޫ ބީ.އެސް ފައިނަލަށް

2019 އަހަރުގެ ރަނަރަޕް އެފް.އީ.އެސް.ޓީ ބަލިކޮށް އެމް.އެން.ޔޫ ބީ.އެސް މުބާރާތުގެ ފައިނަލަށް ދަތުރުކޮށްފިއެވެ.

އެމް.އެން.ޔޫގެ އެފް.އީ ޕީ.އީ ހޯލުގައި ކުޅޭ އެމް.އެން.ޔޫ.އެސް.ޔޫ އިންޓަރ ފެކަލްޓީ މުބާރާތް 2020ގެ ސެމީ ފައިނަލުގައި، މިދިޔަ އަހަރުގެ ރަނަރަޕް ޓީމް އެފް.އީ.އެސް.ޓީގެ މައްޗަށް އެމް.އެން.ޔޫ ބީ.އެސްއިން ކުރި ހޯދީ ސީދާ ތިން ސެޓުންނެވެ. އެމް.އެން.ޔޫ ބީ.އެސްއިން ވަނީ މިހާތަނަށް ކުޅުނު ހުރިހާ މެޗަކުން މޮޅުވެ ގްރޫޕް ބީގެ އެއްވަނަ ހޯދާފައެވެ.

މެޗުގެ ފުރަތަމަ ސެޓުގައި ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، ފުރަތަމަ ސެޓު ބީ.އެސްއިން ގެންދިޔައީ، 25-22 އިންނެވެ. އެމް.އެން.ޔޫ ބީ.އެސްއިން ފަސޭހަ ކަމާއެކު ދެވަނަ ސެޓު ކާމިޔާބުކުރީ 25-11 އިންނެވެ. ނަމަވެސް ތިންވަނަ ސެޓުގައި އެފް.އީ.އެސް.ޓީގެ ކުޅުނުން ރަނގަޅުކޮށް ސެޓު ކާމިޔާބުކުރަން މަސައްކަތް ކުރިނަމަވެސް މި ސެޓުވެސް އެމް.އެން.ޔޫ ބީ.އެސް.އިން ވަނީ ކާމިޔާބު ކޮށްފައެވެ. އެމް.އެން.ޔޫ ބީ.އެސްއިން ސެޓު ގެންދިޔައީ 25-22 އިންނެވެ. މިމެޗުގެ އެންމެ މޮޅު ކުޅުންތެރިއަކަށް ހޮވުނީ އެމް.އެން.ޔޫ ބީ.އެސްގެ ޖާރޒީ ނަމްބަރު 16، އިބްރާހީމް ރަޒީންއެވެ.

މުބާރާތުގެ ފައިނަލުގައި އެމް.އެން.ޔޫ ބީ.އެސް ނިކުންނާނީ ސީ.އެފް.އެސްއާ ދެކޮޅަށެވެ.

ނިމިދިޔަ އަހަރުގެ ގްރޫޕް ސްޓޭޖްއިން އެމް.އެން.ޔޫ ބީ.އެސްއިން ވަނީ ކަޓާފައެވެ. ނަމަވެސް މިއަހަރުގެ ފައިނަލުގައި ދެ ޑިވިޝަނުގައިވެސް ބީ.އެސް ވާދަކުރެއެވެ.

އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީ މުބާރާތުގެ ފިރިހެން ޑިވިޝަނުގެ ޗެމްޕިއަންކަން ފުރަތަމަ ހޯދީ 2015 އަހަރު އެފް.އެޗް.ޓީ.އެސްއިންނެވެ. 2016 ވަނަ އަހަރު އެފް.އެސް.އެލް އިން ޗެމްޕިއަންކަން ހޯދާފައި ވާއިރު 2017 ވަނަ އަހަރު މުބާރާތް ކާމިޔާބުކުރީ އެފް.އީއިންނެވެ. ޖެހިގެން އައި 2018 ވަނަ އެފް.އެޗް.ޓީ.އެސް އަތުން މޮޅުވެގެން އެފް.އެސް.އެލްއިން މުބާރާތް ކާމިޔާބުކުރި އިރު 2019 ވަނަ އަހަރު އެފް.އެޗް.ޓީ.އެސްއިންވަނީ މުބާރާތުގެ ޗެމްޕިއަންކަން ހޯދާފައެވެ.

މުބާރާތުގެ ފައިނަލުގައި އެމް.އެން.ޔޫ ބީ.އެސް އަދި ސީ.އެފް.އެސް ބައްދަލުކުރާ މެޗު ކުޅެން ހަމަޖެހިފައިވަނީ، މިރޭ 20:00 ގައެވެ.

އެމް.އެން.ޔޫ.އެސް.ޔޫ އިންޓަރ ފެކަލްޓީ 2020 އަކީ އެމް.އެން.ޔޫ.އެސް.ޔޫގެ ފަރާތުން ބާއްވާ މިފަދަ 5ވަނަ މުބާރާތެވެ. މިގޮތުން މިމުބާރާތް ފުރަތަމަ ބޭއްވުނީ 2016 ގައެވެ. އަދި މި މުބާރާތަކީ އެމް.އެން.ޔޫ.އެސް.ޔޫގެ ފަރާތުން އިންތިޒާމް ކޮށްގެން ބާއްވާ ދެވަނައަށް އެންމެ ބޮޑު މުބާރާތެވެ. އެމް.އެން.ޔޫގެ ފެކަލްޓީ/ސެންޓަރ ތަކަށް ހުޅުވާލައިގެން ބާއްވާ މިމުބާރާތުގައި މިފަހަރު އަންހެން ޑިވިޝަނުގައި 8 ޓީމު އަދި ފިރިހެން ޑިވިޝަނުގައި 7 ޓީމާއެކު ޖުމްލަ 15 ޓީމު ވާދަ ކުރެއެވެ. މިމުބާރާތުގެ ސްޕޮންސަރކޮށްފައިވަނީ ފިއުލް އެކްސްޕްރެސް މޯލްޑިވްސްއިންނެވެ. އަދި އޮންލައިން މީޑިއާ ޕާރޓްނަރ އަކީ ރާއްޖެ އެމް.ވީއެވެ.

ލިޔުނީ: ޝަމާ މުޙައްމަދު،
އެމް.އެން.ޔޫ.އެސް.ޔޫ މީޑީއާ