ދިވެހި ރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން އިސްނަގައިގެން އެމް.އެން.ޔޫގެ ފެކަލްޓީއެއް ކަމުގައިވާ އިންޖިނިއަރިންގ ސައިންސް އެންޑް ޓެކްނޮލޮޖީގެ ދަރިވަރުންނާ ބައްދަލުކޮށްފިއެވެ.
މި ބައްދަލުވުމަކީ ފެކަލްޓީ އޮފް އިންޖިނިއަރިން ސައިންސް އެންޑް ޓެކްނޮލޮޖީގެ ދަރިވަރުން ދަންނަވާލި ދެންނެވުމަކަށް އެމް.އެން.ޔޫ.އެސް.ޔޫ އިން އިންތިޒާމްކޮށްގެން ބޭއްވި ބައްދަލުވުމެކެވެ. މި ބައްދަލުވުމުގައި އެމް.އެން.ޔޫގެ މެނޭޖްމަންޓުން ބައިވެރިވެފައިވާއިރު، އެ އެފެކަލްޓީގެ ސިވިލް އިންޖިނިއަރިން ލެބްގެ ހާލަތު ބަލައި ދަރިވަރުންގެ ހުރި ކަންބޮޑުވުންތައް ވަނީ އޮޅުންފިލުވާފައެވެ. މި ބައްދަލުވުމުގައި އެމް.އެން.ޔޫގެ ވައިސް ޗާންސެލްރ ޑރ. މުޙައްމަދު ޝަރީފްގެ އިތުރުން އެމް.އެން.ޔޫ.އެސް.ޔޫގެ އެޑްވައިޒަރީ ބޯޑް މެމްބަރ އަރުޝަދު އަޝްރަފް ވަނީ ބައިވެރިވެފައެވެ. އަދި އެމް.އެން.ޔޫ.އެސް.ޔޫގެ ނައިބު ރައީސް (އަމަލީ) ޙުސައިން އަލީ، ނައިބު ރައީސް (ގޮފިތައް) އަބްދުﷲ ޝަހުނީޒް، ޚަޒާންދާރު ހުސައިން ޒައިދު އަދި އެމް.އެން.ޔޫ ކައުންސިލްގައި ދަރިވަރުން ތަމްސީލު ކުރާ މެމްބަރ އިބްރާހިމް ޢާނިމް ޝާހިދު ވަނީ ބައިވެރި ވެފައެވެ.
ފެކަލްޓީ އޮފް އިންޖިނިއަރިން ސައިންސް އެންޑް ޓެކްނޮލޮޖީގެ ދަރިވަރުންނާ ބައްދަލުކުރުން އޮތީ 2020 މާރިޗު 14 ވަނަ ދުވަހު ސަލާހުއްދީން ބިލްޑިންގައެވެ.
އެމް.އެން.ޔޫ.އެސް.ޔޫ އިން ދަނީ ދަރިވަރުންގެ ޙައްޤުގައި ގިނަ މަސައްކަތްތަކެއް ކުރަމުންނެވެ. މިގޮތުން ތިނަދޫ ކެމްޕަހުގެ ދަރިވަރުންނާ 2019ވަނަ އަހަރު ބޭއްވުނު ބައްދަލުވުމާއި، ގަން ކެމްޕަހުގެ ދަރިވަރުންނާ އެކު ކައުންސިލް މެންބަރުވެސް ހިމެނިގެން 2018 ވަނަ އަހަރު ބޭއްވުނު ބައްދަލުވުމާއި، މަޖްދުއްދީން ދަނާލުގެ ދަރިވަރުންނާއެކު 2018 ވަނަ އަހަރު ބޭއްވުނު ބައްދަލުވުމުގެ އިތުރުން ކުޅުދުއްފުށީ ކެމްޕަހުގެ ދަނާލު ދަރިވަރުންނަށް 2018 ވަނަ އަހަރު ތެރޭގައި ބޭއްވުނު ބައްދަލުވުމާއި 2018 ވަނަ އަހަރު ގަން ކެމްޕަހުގެ ދަރިވަރުންނާއެކު ބޭއްވުނު ބައްްދަލުވުން ފާހަގަކޮށްލެވެއެވެ.
ލިޔުނީ: އާމިނަތު ހަމީޒާ އަޙްމަދު،
ސެކްރެޓަރީ، އެމް.އެން.ޔޫ.އެސް.ޔޫ
