ދިވެހިރާއްޖޭގެ ޤައުމީ ޔުނިވަރިސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ލ.ގަމު ކެމްޕަހުގެ ގޮފި، އަހުރައިގެ 4 ވަނަ ދައުރުގެ ހިންގާ ކޮމިޓީ އިފްތިތާހުކޮށްފިއެވެ.
މި ރަސްމިއްޔާތުގެ އެންމެ ފުރަތަމަ ނަމްބަރެއްގެ ގޮތުން ކުރިޔަށްދިޔައީ، އެމް.އެން.ޔޫ.އެސް.ޔޫގެ ޚަޒާންދާރު ހުސައިން ޒައިދުގެ ވާހަކަފުޅުދެއްކެވުމެވެ. ޒައިދުގެ ވާހަކަފުޅުގައި، ކޮންމެ މަޤާމަކާއެކު ޒިންމާއެއް އޮންނާނެކަމާއި ވޭތުވެދިޔަ ދައުރުތަކުގެ މެމްބަރުން ކޮށްފައިވާ މަސައްކަތްތަކަށްވުރެވެސް ފުރިހަމަޔަށް މަސައްކަތް ކުރެވޭތޯ ޢަޒުމް ކަނޑައެޅުމަށް ނަސޭހަތްތެރިވިއެވެ. އަދި އެ އަމާޒަށް ވާސިލްވާން ގަދައަޅާ މަސައްކަތްކުރުމަށްވެސް ޒައިދު ވަނީ ނަސޭހަތްތެރިވެފައެވެ. އެއަށްފަހު، ގަން ކެމްޕަހުގެ މެނޭޖަރ ޝާހިދާ އަބޫބަކުރު ވަނީ ރަސްމިއްޔާތުގައި ވާހަކަފުޅުދައަކަވާފައެވެ.
މި ރަސްމިއްޔާތުގައި ދެން ކުރިއަށް ގޮސްފައިވަނީ، އަހުރަ ގޮފީގެ 4 ވަނަ ދައުރަށް އިންތިޚާބުވި މެމްބަރުންނަށް ހަނދާނީ ލިޔުން ހަވާލުކުރުމެވެ. ހަނދާނީ ލިޔުން ހަވާލުކޮށްދެއްވީ ގަން ކެމްޕަހުގެ ސީނިއަރ އެޑްމިނިސްޓްރޭޓިވް އޮފިސަރ ޢަބްދުލް ރަޝީދާއި ގަން ކެމްޕަހުގެ މެނޭޖަރ ޝާހިދާ އަބޫބަކުރެވެ.
އަހުރައިގެ 4 ވަނަ ދައުރުގެ ހިންގާ ކޮމިޓީ:
- ރައީސާ: ފާތިމަތު ޝިއުޒާ
- ނައިބު ރައީސާ( ޢިލްމީ): އާމިނަތު ސުހާ އަބްދުލްޙަންނާން
- ނައިބު ރައީސާ(ޢަމަލީ): އާމިނަތު ހަނާ
- ޚަޒާންދާރު: އީނާސް ހުސައިން
- މީޑިއާ ކޯޑިނޭޓަރ: ފާޠިމަތު ރިފާ
- ސެކްރެޓަރީ: ޝަޒުބާ އާދަމް
މި ރަސްމިއްޔާތު ބާއްވާފައިވަނީ ޖުލައި 16 ވީ ބުރާސްފަތި ދުވަހުގައި އެމް.އެން.ޔޫ ލ.ގަމު ކެމްޕަހުގައެވެ. އަދި މި ރަސްމިއްޔާތުގައި އެމް.އެން.ޔޫ.އެސް.ޔޫގެ 6 އަދި 7 ވަނަ ދައުރުގެ ނައިބު ރައީސް(ޢަމަލީ) އަދި މިހާރުގެ އެޑްވައިޒަރީ ބޯޑުގެ މެމްބަރ ހަސަން ޝާހް ވަނީ ބައިވެރިވެވަޑައިގެންފައެވެ. ރަސްމިއްޔާތު ނިމިގެން ދިޔައީ ފޮޓޯ ސެޝަނަކުންނެވެ.
ލިޔުނީ: މުޙައްމަދު އަޙްނަފް،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
