މިނިސްޓްރީ އޮފް ހޯމް އެފެއާޒް އާއިއެކު ޔޫ.އެން.ޑީ.ޕީ އިން އިންތިޒާމް ކޮށްގެން ދިވެހިރާއްޖޭގައި މުޅިން އަލަން ފަށާ ބަދަހި ޑައިލޮގު ކެމްޕެއިންގައި އެމް.އެން.ޔޫ.އެސް.ޔޫ އިން ބައިވެރިވެއްޖެއެވެ.
2020 އޮކްޓޫބަރ 21 ވަނަ ދުވަހު އޮންލައިންކޮށް ބޭއްވުނު މިހަރަކާތުގައި ”ބަދަހި ޑައިލޮގު ކެމްޕެއިން“ ވަނީ ރަސްމީކޮށް އިފްތިތާހު ކޮށްފައެވެ. މިވެބިނާގައި މުޖުތަމައުގައި ހުރި އެކިއެކި މައްސަލަތަކަށް އަލިއަޅުވައި ވާހަކަ ދެކެވިފައިވާއިރު، ފަރުދުންގެ އެއްބައިވަންތަކަމާއި، އިޖްތިމާއީ ގުޅުންތައް އާލާކުރުމަށް އަލިއަޅުވާލުމުގެ އިތުރުން ޕެނަލް ޑިސްކަޝަނެއްވެސް ވަނީ ބޭއްވިފައެވެ.
މި ހަރަކާތުގައި އެމް.އެން.ޔޫ.އެސް.ޔޫގެ ހިންގާ ކޮމެޓީގެ މެމްބަރުންގެ އިތުރުން ނުވަ ވަނަ ދައުރުގެ އިންތިޚާބީ ހިންގާ ކޮމެޓީގެ މެމްބަރުން އަދި އެމް.އެން.ޔޫ.އެސް.ޔޫގެ 18ށް ވުރެ ގިނަ އިސްވާރުން ވަނީ ބައިވެރިވެފައެވެ.
މި ކެމްޕެއިންގައި އެމް.އެން.ޔޫ.އެސް.ޔޫ އިން ބައިވެރިވުމުގެ މަޤްސަދަކީ މުޖުތަމައުގެ މިފަދަ އިޖުތިމާއީ ކަންކަމުގައި ދަރިވަރުންގެ ބައިވެރިވުން އިތުރުކޮށް ހޭލުންތެރިކުރުމެވެ.
އެމް.އެން.އެސް.ޔޫ.ގެ އިސްވާރުން އަންނަނީ މިނިސްޓްރީތަކާއި ޖަމާއަތް ތަކުން ބާއްވަމުންގެންދާ މިފަދަ ޕެނަލް ޑިސްކަޝަންތަކުގައި ބައިވެރިވަމުންނެވެ.
ލިޔުނީ: ހަސްނާ ވިޝާމް،
އެމް.އެން.ޔޫ.އެސް.ޔޫ މީޑިއާ
