ޝުކުރުގެ ޙައްޤުވެރިންނަށް ޝުކުރު ބަރުތީލަކޮށް އެމް.އެން.ޔޫ.އެސް.ޔޫގެ 8 ވަނަ ދައުރުގެ ރައީސް ޢަލީ ޝަމްޢޫން ވާހަކަފުޅު ދައްކަވައިފި!

އައު ދައުރުގެ ހިންގާކޮމިޓީ އިފްތިތާހުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން އެމް.އެން.ޔޫ.އެސް.ޔޫ ގެ 8 ވަނަ ދައުރުގެ ރައީސް ޢަލީ ޝަމްޢޫން ވަނީ އެކި ގޮތް ގޮތުން މި ދައުރު ހިންގުމަށް އެހީތެރިކަން ފޯރުކޮށްދެއްވި ފަރާތްތަކަށް ހިފެހެއްޓުމެއްނެތް ޝުކުރެއް ދަންނަވާފައެވެ.

8 ވަނަ ދައުރަކީ ކޮވިޑްގެ ނުރައްކަލުގެ ސަބަބުން ބޮޑެތި ގޮންޖެހުންތަކެއް ކުރިމަތި ކުރުވި ދައުރެއްކަމުގައި ކުރީގެ ރައީސް ޢަލީ ޝަމްޢޫންގެ ވާހަކައިގައި ފާހަގަ ކުރެއްވެވިއެވެ. އަދި 8 ވަނަ ދައުރާއި އެމަނިކުފާނު ހަވާލުވެވަޑައިގަތީ ފޮނި އުއްމީދުތަކަކާއިއެކުގައި ކަމަށާއި، އެކަމަކު މުޅި ދުނިޔެއިން ކުރިމަތިލާން ޖެހުނު ކޯވިޑްގެ ބަލިމަޑު ކަމާއިއެކުގައި، ގިނަ ހަރަކާތްތަކެއް މަޑު ޖައްސާލަން ޖެހުމުން އެކަމާއި ހިތާމަކުރި ކަމަށް ޝަމްޢޫން ވިދާޅުވިއެވެ.

”އޮންލައިން ހަރަކާތްތައް ފިޔަވައި އެހެނިހެން ހަރަކާތްތައް މަދުކުރާން މަޖުބޫރުވެގެން ދިޔަކަމީ، މި ދައުރުގެ ރައީސްގެ ހައިސިއްޔަތުން އަޅުގަނޑުގެ ހިތަށް ފުންއަސަރުތަކެއް ކުރުވި ކަމެއް.“

ކުރީގެ ރައީސް ޢަލީ ޝަމްޢޫން

ކުރީގެ ރައީސް ޢަލީ ޝަމްޢޫން އެމް.އެން.ޔޫ.އެސް.ޔޫ ގެ ހިންގާ ކޮމެޓީއަށް އަންނަން ޖެހޭކަމަށް ދެކެވަޑައިގެން މަގު ކޮށާދެއްވެވި 5 ވަނަ ދައުރުގެ ރައީސް އަލްއުސްތާޛް އަލީ ރަޝީދަށް ވަނީ ޢަލީ ޝަމްޢޫންގެ ހިފެހެޓުމެއްނެތް ޝުކުރު އަރިސްކުރައްވާފައެވެ. އަދި ކުރީގެ ރައީސް އަރުޝަދު އަޝްރަފް ދެއްވެވި އެހީތެރިކަމާއި އެއްބާރުލެއްވުމަށް ވަނީ ހިތުގެ އިޚްލާސްތެރި ޝުކުރު އަރިސްކުރައްވާފައެވެ.

ހަމައެހެންމެ ކުރީގެ ރައީސް މުޙައްމަދު ޝާން ޢާމިރަކީ އެކުގައި ގިނަ މަސައްކަތްތަކެއް ކުރެވުނު ބޭފުޅެއްކަން ފާހަގަކުރައްވައި އެބޭފުޅާ ދެއްވެވި އިރުޝާދުތަކަށާއި ވެދެއްވެވި އެހީއަށްވެސް ވަނީ ޝުކުރުދަންނަވާފައެވެ.

ކުރީގެ ރައީސް ޢަލީ ޝަމްޢޫންގެ ވާހަކައިގައި އެބޭފުޅާގެ ދައުރުގެ ހިންގާކޮމިޓީގެ އެންމެހައި މެމްބަރުން ކުރެއްވެވި އިޙްލާސްތެރި މަސައްކަތްތަށްވެސް ވަނީ ޝުކުރު ދަންނަވާފައެވެ. އެގޮތުން ނާއިބު ރައީސް ޢިލްމީ އަރުޝަމް މުހައްމަދުގެ ޚިދުމަތް ފާހަގަކުރެއްވިއެވެ. އަރުޝަމް އަކީ ދަރިވަރުންނަށް ދިމާވާ ގޮންޖެހުންތައް ހައްލު ކޮށްދެއްވުމަށް ރެޔާއި ދުވާލު މަސައްކަތް ކުރެއްވެވި ބޭފުޅެއްކަންވެސް ފާހަގަ ކުރެއްވިއެވެ. އަދި ހަމަ އެހެންމެ ސެކްރެޓަރީ އާމިނަތު ހަމީޒާގެ ހިންމަތްތެރި މަސައްކަތް ފާހަގަކުރައްވާ ޝުކުރު އަރިސްކޮށް ހަމީޒާގެ މަސައްކަތުން މިސާލު ނެންގެވުމަށް އެދި ލެއްވިއެވެ. އަދި ސެކްރެޓަރީގެ އެހީތެރިއަކަށް މަސައްކަތް ކުރެއްވި މައިސަރާގެ ނަންވެސް ފާހަގަކޮށް މިހާރު މި ޙައްސާސީ ހާލަތުގައި ފްރޮންޓްލައިންގައި ކުރައްވާ މަސައްކަތަށްވެސް ތައުރީފު ކުރެއްވެވިއެވެ. އަދި ޔޫނިއަންގެ މީޑިއާގައި އަޙްނަފް ކުރެއްވެވި އަގުހުރި މަސައްކަތް ވަނީ މި ޙަފްލާގައި ފާހަގަކުރައްވާފައެވެ.

މި ދައުރުގެ ހިންގާކޮމެޓިގައިވެސް ހިމެނިވަޑައިގަންނަވާ އަބްދުﷲ ޝަހުނީޒް، ހުސެއިން ޢަލީ އަދި ޙުސައިން ޒައިދުގެ ބުރަ މަސައްކަތަކީ އަގުހުރި ބުރަ މަސައްކަތެއްކަން ފާހަގަކޮށް މި ބޭފުޅުންނަށްވެސް ޝުކުރު އަރިސްކުރެއްވެވިއެވެ.

ޔުނިވަރސިޓީގެ ފަރާތުން ދެއްވީ އެހީތެރިކަން ފާހަގަ ކުރައްވަވާ، ޗާންސެލަރ އަދި ވައިސް ޗާންސެލަރގެ އިތުރުން މިހާރުގެ ޑީން އޮފް ސްޓޫޑެންޓްސް އަލްފާޟިލާ ލީލާ އަޙްމަދާއި ކުރީގެ ޑީން އޮފް ސްޓޫޑެންޓްސް އަލްފާޟިލާ ނާދިޔާ އަޙްމަދަށް ހިތުގެ ފުންމިނުން ޝުކުރު އަރިސްކުރެއްވެވިއެވެ.

މި ޙައްސާސީ ދުވަސްތަކުގައިވެސް ކުރިމަތިވި ގޮންޖެހުންތައް ގިރާކުރަމުން ދަރިވަރުންގެ ހުނަރުތައް ތަރައްޤީ ކުރުމަށް ކުރީގެ ރައީސް ޢަލީ ޝަމްޢޫން އަތުކުރި އޮޅުއްވަވާ ކުރެއްވި ބުރަ މަސައްކަތްތަކަކީ ފާހަގަކޮށްލެވޭ ބުރަ އަދި އެހައިމެ ފައިދާ ކުރަނިވި މަސައްކަތްތަކެކެވެ.

ލިޔުނީ: އާމިނަތު ނިޝްފާ އަޙްމަދު،
އެމް.އެން.ޔޫ.އެސް.ޔޫ މީޑިއާ