ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ ރަސްމީ ޓެލެގްރާމް ޗެނަލް އިފްތިތާހު ކޮށްފިއެވެ.
އެމް.އެން.ޔޫ.އެސް.ޔޫގެ 9 ވަނަ ދައުރުގެ ރައީސްކަމަށް އަބްދުﷲ ޝަހުނީޒް އިންތިހާބުވެ މަޤާމާއި ހަވާލުވެ ވަޑައިގެން ދެއްކެވި ވާހަކަފުޅުގައި، އެމް.އެން.ޔޫ.އެސް.ޔޫގެ ރަސްމީ ޓެލެގްރާމް ޗެނަލެއް އިފްތިތާހްކުރައްވާނެ ކަމަށް ވަނީ ވިދާޅުވެފައެވެ. އަދި މިއީ ރައީސް އަބްދުﷲ ޝަހުނީޒް ގެ ތަސައްވުރުގެ ތެރެއިން ތަސައްވުރެއްވެސް މެއެވެ.
“ އުފާވެރި ޚަބަރަކީ ދައުރު އިފްތިތާހްކުރުމާއެކު އެމް.އެން.ޔޫ.އެސް.ޔޫގެ ނަމުގައި ޓެލެގްރާމްގެ ރަސްމީ ޗެނަލްއެއް ބޭނުންކުރަން ފެށިގެން ދިއުން.“
ރައީސް ޝަހުނީޒް
ޓެލެގްރާމް އަކީ އެމް.އެން.ޔޫ.އެސް.ޔޫ ގެ ރަސްމީ ކަންކަމަށް އާންމުކޮށް ބޭނުންކުރާ އެއް މަންސައެވެ. މި ޗެނަލްއާއިއެކު އެމް.އެން.ޔޫ.އެސް.ޔޫ އިން ހިންގާ ހަރަކާތްތަކުގެ ތަފްސީލު ލިބިގެންދާނެއެވެ. އަދި ހަމަ އެހެންމެ އެމް.އެން.ޔޫ.އެސް.ޔޫ ގެ ޚަބަރުތައް މެމްބަރުންނަށް ތިލަކޮށްދޭ ފާލަމަކަށްވެސް މި ޗެނަލް ވެގެންދާނެއެވެ.
މިގޮތުން މި ޗެނަލް އަކީ އެމް.އެން.ޔޫ.އެސް.ޔޫ ގެ މީޑިއާ އިތުރު ހަރުފަތަކަށް ގެންދިއުމަށް ކުރަމުން ގެންދާ މަސައްކަތަށް އިތުރުވެގެންދިޔަ ބޮޅެކެވެ. މި ޗެނަލް ވެގެންދާނީ އެމް.އެން.ޔޫ.އެސް.ޔޫގެ އާންމު އެންގުންތަށް އެންގުމަށާއި، ހިންގާ ހަރަކާތްތަކުގެ މައުލޫމާތުތަށް މެމްބަރުންނާއި ހަމައަށް ގެނެސްދޭނެ މެދުވެރިއަކަށެވެ. ތިރީގައި މިވާ ލިންކުން މި ޗެނަލް އަށް ސަބްސްކްރައިބް ކުރެވޭނެއެވެ.
އެމް.އެން.ޔޫ.އެސް.ޔޫގެ މީޑިއާ އިތުރު ހަރުފަތަކަށް ގެންދިޔުމަކީ މިދައުރުގެ އަމާޒެކެވެ. އެމް.އެން.ޔޫ.އެސް.ޔޫ މީޑިއާގެ ރަސްމީ ވެބްސައިޓަކާއި، ފޭސްބުކް ޕޭޖްގެ އިތުރުން ރަސްމީ ޓުވިޓާ އެކައުންޓަކާއި، އިންސްޓަރގްރާމް އެކައުންޓެއް އަންނަނީ ހިންގަމުންނެވެ. އަދި މީގެ އިތުރުން އެމް.އެން.ޔޫ.އެސް.ޔޫ ވައިބަރ ކޮމިއުނިޓީ އިން ވެސް އެމް.އެން.ޔޫ.އެސް.ޔޫ އިން ހިންގަމުން އަންނަ ހަރަކާތްތައް އާންމުންނަށް ފެނިގެންދާނެ އެވެ.
ލިޔުނީ: އައިމިނަތު ނިޝްފާ،
އެމް.އެން.ޔޫ.އެސް.ޔޫ މީޑިއާ
