ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) މާލޭ ކެމްޕަސްތަކުގެ ގޮފިތައް އިފްތިތާޙް ކޮށްފިއެވެ.
މާލޭ ކެމްޕަސްތަކުގެ ގޮފިތައް އިފްތިތާޙް ކޮށްފައިވަނީ މިކަމަށްޓަކައި 27 މާރޗް 2021 ވީ ހޮނިހިރު ދުވަހު ކޮންފަރެންސް ހޯލުގައި ބޭއްވި ރަސްމިއްޔާތެއްގެ ތެރެއިންނެވެ. އެހެން އަހަރުތަކާއި ހިލާފަށް، ކޮވިޑް-19ގެ ބަލިމަޑުކަމާއި ގުޅިގެން މިއަހަރު ގޮފިތައް އިފްތިތާޙް ކޮށްފައިވަނީ ކޮންމެ ގޮތްޕެއްވެސް ވަކި ވަކިންނެވެ.
އެމް.އެން.ޔޫ.އެސް.ޔޫގެ ރައީސް އަބްދުﷲ ޝަހުނީޒް ވިދާޅުވީ ކޮވިޑްގެ މިހާލަތުގައި ގޮފިތަކުން ކުރިޔަށް ގެންދާ ހަރަކާތްތައް ވަރޗުއަލްކޮށް ކުރިޔަށް ގެންދިޔުމަށް ލަފާދީފައިވާނެ ކަމަށާއި، އެމް.އެން.ޔޫ.އެސް.ޔޫގެ ހަރަކާތްތައް ކުރިޔަށްދާނީ ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިނާއި އެއްގޮތަށް ކަމަށެވެ.
ގޮފިތަކުގެ އެކި މަޤާމުތަކަށް ހޮވުނު ދަރިވަރުންނަށް ސެޓްފިކެޓް ހަވާލުކޮށްދެއްވާފައި ވަނީ އެމް.އެން.ޔޫ. ގެ ވައިސް ޗާންސެލަރ (ވީ.ސީ.) ޑރ. މުޙައްމަދު ޝަރީފް އާއި ޑީން އޮފް ސްޓޫޑެންޓްސް އާޝިޔާ ލީލާ އަޙްމަދް އެވެ.
އެމް.އެން.ޔޫ މާލޭ ކެމްޕަހުގެ ފެކަލްޓީތަކުގައި ޤާއިމް ކޮށްފައިވާ އެމް.އެން.ޔޫ.އެސް.ޔޫގެ ގޮފިތަކަކީ:
- ސެންޓަރ ފޯ ފައުންޑޭޝަން ސްޓަޑީސް – ތަރަހަ
- ސޮސައިޓީ އޮފް ޝަރީޢާ އެންޑް ލޯ – އެސް.އެސް.އެލް
- ފެކަލްޓީ އޮފް އާރޓްސް – ސިއާ
- ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީސް – ޝެޓްސް
- ސްކޫލް އޮފް ނަރސިންގ – ނިއަރެސް
- ސްކޫލް އޮފް މެޑިސިން – މެޑީކޯސް
- ފެކްލްޓީ އޮފް ހެލްތް ސައިންސަސް – ހީލާސް
- ފެކަލްޓީ އޮފް އެޑިއުކޭޝަން – ފެސާ
- ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ – އެސްޓާގެ
- އެމް.އެން.ޔޫ ބިޒްނަސް ސްކޫލް – ބީ.އެސް.އެސް.އޭ
