އެމް.އެން.ޔޫ.އެސް.ޔޫ ބަހުސް މުބާރާތް ފަށައިފިއެވެ.
31 އޮކްޓޯބަރ ވީ އާދިއްތަ ދުވަހު ބަހުސް މުބާރާތް ފެށިއިރު، މުބާރާތުގެ ފުރަތަމަ މެޗުގައި ބައްދަލުކުރީ އިސްލާމިކް ޔުނިވަރސިޓީ އޮފް މޯލްޑިވްސް (އައިޔޫއެމް) އަދި ފެކަލްޓީ އޮފް ޝަރީޔާ އެންޑް ލޯ (އެފްއެސްއެލް) އެވެ. މި ބަހުސް އައި.ޔޫ.އެމްގެ މައްޗަށް އެފް.އެސް.އެލް އިން ކާމިޔާބުކުރީ 760 – 857 ގެ ނަތީޖާ އަކުންނެވެ. މި ބަހުސްގެ އެންމެ މޮޅު ބަހުސްތެރިޔާ އަކަށް ހޮވިފައިވަނީ އެފް.އެސް.އެލްގެ މުޙައްމަދު އައިޝް އެވެ. ވާދަވެރި ބަހުސް އަކަށްފަހު އެފް.އެސް.އެލް އިން އައިޔޫއެމްގެ މައްޗަށް ކުރި ހޯދިއިރު އެފް.އެސް.އެލް ވަނީ މުބާރާތުގެ ސެމީއަށް ދަތުރުކޮށްފައެވެ.
މި އަހަރުގެ މުބާރާތުގައި އެމް.އެން.ޔޫ އިން ބޭރު ދެ ޓީމުކަމަށްވާ އިސްލާމިކް ޔުނިވަރސިޓީ އޮފް މޯލްޑިވްސް (އައި.ޔޫ.އެމް) އަދި ވިލާ ކޮލެޖް (ވީ.ސީ) ވަނީ ބައިވެރިވެފައެވެ.
އެމް.އެން.ޔޫ.އެސް.ޔޫ ބަހުސް މުބާރާތަކީ ދިވެހި ބަސް ދިރުވައި އާލާކޮށް، ބަހުގެ ހަމަތަކާ އެއްގޮތަށް ދިވެހިބަސް ބޭނުން ކުރަން ބާރުއެޅުމަށާއި ޢިލްމީ ފެންވަރެއްގައި އުފެއްދުންތެރި ގޮތުގައި ޚިޔާލު ފާޅުކުރުމުގެ ފުރުޞަތު ފަހިކޮށްދީ، ދޫފަރިތަ، ކުޅަދާނަ ވާހަކަދެއްކުންތެރިންތަކެއް އުފެއްދުމުގެ މަޤްޞަދުގައި ބާއްވަމުން އަންނަ މުބާރާތެކެވެ. މިއަހަރު މި ބޭއްވެނީ ސިލްސިލާކޮށް ބޭއްވޭ މި މުބާރާތުގެ 8 ވަނަ މުބާރާތެވެ.
